Home / ഫൊക്കാന / ഫൊക്കാന സ്‌പെല്ലിംഗ് ബീ, ഗ്ലിംപ്‌സസ് ഓഫ് ഇന്ത്യ: എബി ആന്റോയും, അഷിത അലക്‌സും വിജയികള്‍

ഫൊക്കാന സ്‌പെല്ലിംഗ് ബീ, ഗ്ലിംപ്‌സസ് ഓഫ് ഇന്ത്യ: എബി ആന്റോയും, അഷിത അലക്‌സും വിജയികള്‍

ന്യൂയോര്‍ക്ക്: ഫൊക്കാന ന്യൂയോര്‍ക്ക് റീജന്റെ സ്‌പെല്ലിംഗ് ബീ മത്സരത്തില്‍ എബി ആന്റോ ഒന്നാം സ്ഥാനം നേടി. ന്യൂറോഷല്‍ ഹൈസ്കൂളില്‍ ഒമ്പതാം ക്ലാസ് വിദ്യാര്‍ത്ഥിയാണ്. എബി അലക്‌സ് (വില്ലോഗ്രോവ് മിഡില്‍ സ്കൂള്‍, റോക്ക്‌ലാന്റ്), ആല്‍വിന്‍ പോള്‍ (ലോംഗ്‌ഐലന്റ്) എന്നിവര്‍ രണ്ടും മൂന്നും സമ്മാനങ്ങള്‍ നേടി.  വിജയികള്‍ ടൊറന്റോയില്‍ ഫൊക്കാന കണ്‍വന്‍ഷനില്‍ ഫൈനലില്‍ പങ്കെടുക്കും. പ്രാദേശിക തലത്തില്‍ ജയിച്ചുവന്ന ആറു കുട്ടികളാണ് റീജന്‍ തലത്തില്‍ മല്‍സരിച്ചത് .

ഇന്ത്യയെ അറിയുകയെന്ന ലക്ഷ്യത്തോടെയുള്ള ഗ്ലിംപ്‌സസ്  ഓഫ് ഇന്ത്യ മത്സരത്തില്‍ അഷിത അലക്‌സ് ഒന്നാം സ്ഥാനം നേടി. ക്ലാര്‍ക്‌സ് ടൗണ്‍ നോര്‍ത്ത് ഒമ്പതാം തരം വിദ്യാര്‍ത്ഥിയാണ. എബിന്‍ ആന്റോയും (ന്യൂറോഷല്‍ ഹൈസ്കൂള്‍), നേഹാ ജോയും രണ്ടാം സ്ഥാനം പങ്കിട്ടു. അഞ്ചാം ക്ലാസ് വിദ്യാര്‍ത്ഥിനിയാണ് നേഹാ ജോ.

ഫൊക്കാന ട്രഷറര്‍ ജോയി ഇട്ടന്‍, എക്‌സിക്യൂട്ടീവ് വൈസ് പ്രസിഡന്റ് ഫിലിപ്പോസ് ഫിലിപ്പ്, വനിതാ ഫോറം ചെയര്‍ ലീല മാരേട്ട് എന്നിവരാണ് ക്യാഷ് അവാര്‍ഡ് സ്‌പോണ്‍സര്‍ ചെയ്തത്.

തുടര്‍ന്ന് നടന്ന യോഗത്തില്‍ റീജണല്‍ വൈസ് പ്രസിഡന്റ് ഡോ. ജോസ് കാനാട്ട് സ്വാഗതം ആശംസിച്ചു. മത്സരത്തെപ്പറ്റയും ടൊറന്റോ കണ്‍വന്‍ഷനേപ്പറ്റിയും ഫിലിപ്പോസ് ഫിലിപ്പും, ട്രസ്റ്റി ബോര്‍ഡ് ചെയര്‍ പോള്‍ കറുകപ്പള്ളിയും സംസാരിച്ചു. റീജണല്‍ സെക്രട്ടറി അലക്സ്  തോമസ് നന്ദി പറ­ഞ്ഞു.

Check Also

നോര്‍ത്ത് അമേരിക്കയിലെ പ്രമുഖ പ്രവാസി നേതാവും ഫൊക്കാനാ ബോര്‍ഡ് ഓഫ് ട്രസ്ടീയുമായ ശ്രീ കുര്യന്‍ പ്രക്കാനം ലോക കേരള സഭയിലേക്ക്.

പ്രവാസ ജീവിതം നയിക്കേ തന്നെ ചരിത്രത്തില്‍ ആദ്യമായി കേരള നിയമസഭ തിരഞ്ഞെടുപ്പില്‍ മത്സരിക്കാന്‍സ്വതന്ത്രനായി ആറന്മുള മണ്ഡലത്തില്‍ നിറഞ്ഞുനിന്ന നോര്‍ത്ത് അമേരിക്കന്‍ …

Leave a Reply

Your email address will not be published. Required fields are marked *