Home / കായികം / ജൂലൈയില്‍ എല്‍ക്ലാസ്സിക്കോ കാണാം

ജൂലൈയില്‍ എല്‍ക്ലാസ്സിക്കോ കാണാം

2017-18 സീസണിനു മുന്നോടിയായുള്ള ഇന്റര്‍നാഷനല്‍ ചാംപ്യന്‍സ് കപ്പ് പോരാട്ടത്തില്‍ എല്‍ക്ലാസ്സിക്കോ കാണാം. സീസണിനു മുന്നോടിയായി പ്രീ സീസണില്‍ നടക്കുന്ന വാര്‍ഷിക പോരാട്ടത്തിലാണു ചിരവൈരികളായ ബാഴ്‌സലോണയും റയല്‍ മാഡ്രിഡും നേര്‍ക്കുനേര്‍ വരുന്നത്. വരുന്ന ജൂലൈ 29നു അമേരിക്കയിലെ മിയാമിയില്‍ വച്ചാണു ഇരുവരും ഏറ്റുമുട്ടുന്നത്. 35 വര്‍ഷത്തിനു ശേഷമാണു ഇരു പക്ഷവും പൊതു വേദിയില്‍ മത്സരിക്കാനിറങ്ങുന്നത്. എന്‍.എഫ്.എല്‍ ടീമായ മിയാമി ഡോല്‍ഫിന്‍സിന്റെ ഹോം ഗ്രൗണ്ടായ ഹാര്‍ഡ് റോക്ക് സ്റ്റേഡിയത്തിലാണു പോരാട്ടം.
നേരത്തെ 1982ല്‍ വെനസ്വലയില്‍ വച്ചാണു പുറത്തെ വേദിയില്‍ ഇരു ടീമുകളും ഏറ്റുമുട്ടിയത്. റയല്‍ 2009നു ശേഷം ആദ്യമായാണു അമേരിക്കയില്‍ പോരിനിറങ്ങുന്നത്. ബാഴ്‌സലോണ 2015ല്‍ പ്രീ സീസണ്‍ മത്സരങ്ങള്‍ക്കായി യു.എസ്.എയില്‍ കളിച്ചിരുന്നു. അമേരിക്കയില്‍ വേരുറപ്പിക്കുന്നതിന്റെ ഭാഗമായി ഈയടുത്ത് ബാഴ്‌സലോണ ന്യൂയോര്‍ക്കില്‍ ഓഫിസും ചര്‍ലോട്ടില്‍ യൂത്ത് അക്കാദമിക്കും തുടക്കമിട്ടിരുന്നു.

Check Also

ടെക്‌സസില്‍ നിന്നുള്ള മൂന്നു പേര്‍ ക്രിക്കറ്റ് ബി ഫൈനലില്‍

മെറ്റുച്ചന്‍ (ന്യുജഴ്‌സി): ഓഗസ്റ്റ് 12 ന് ന്യുജഴ്‌സി മെറ്റുച്ചനില്‍ നടക്കുന്ന മണിഗ്രാം ക്രിക്കറ്റ് ബി മത്സരത്തില്‍ പങ്കെടുക്കുന്നതിന് ടെക്‌സസില്‍ നിന്നുള്ള …

Leave a Reply

Your email address will not be published. Required fields are marked *