ഷിക്കാഗോ: ഫെഡറേഷന് ഓഫ് മലയാളി അസോസിയേഷന്സ് ഓഫ് അമേരിക്കാസിന്റെ (ഫോമ) ആറാമത് ദേശീയ കണ്വന്ഷന്റെ സെന്ട്രല് റീജിയന് രജിസ്ട്രേഷന് കിക്ക്ഓഫ് മോര്ട്ടന്ഗ്രോവിലുള്ള സെന്റ് മേരീസ് ക്നാനായ പള്ളി ഓഡിറ്റോറിയത്തില് വച്ചു ഡിസംബര് 3-നു ഞായറാഴ്ച വൈകുന്നേരം 7 മണിക്ക് നടത്തപ്പെടും. ഫോമ നാഷണല് പ്രസിഡന്റ് ബെന്നി വാച്ചാച്ചിറ മുഖ്യാതിഥിയായിരിക്കും.
ഷിക്കാഗോയോട് ചേര്ന്നുകിടക്കുന്ന ഷാംബര്ഗിലെ പ്രശസ്തമായ ഫൈവ് സ്റ്റാര് ഹോട്ടലും, കണ്വന്ഷന് സെന്ററുമായ റിനയന്സില് വച്ചാണ് കണ്വന്ഷന് നടത്തപ്പെടുന്നത്. ഈ കണ്വന്ഷന് തികച്ചും ഒരു ഫാമിലി കണ്വന്ഷനായിരിക്കുമെന്നു ആര്.വി.പി ബിജി ഫിലിപ്പ് ഇടാട്ട് അറിയിച്ചു.
ഈ കണ്വന്ഷന് രജിസ്ട്രേഷന് കിക്ക്ഓഫ് പരിപാടിയിലേക്ക് എല്ലാ മലയാളികളും ഫോമ അനുഭാവികളും വന്നു സംബന്ധിക്കണമെന്നു സെക്രട്ടറി ഡോ. സാല്ബി പോള് ചേന്നോത്ത്, ട്രഷറര് ജോണ് പാട്ടപ്പതി, ജോയിന്റ് സെക്രട്ടറി ആഷ്ലി ജോര്ജ് എന്നിവര് അറിയിച്ചു.