ന്യയോർക്ക് ∙ ഇപ്പോഴൊരു വാക്‌സീന്‍ പൂര്‍ണ്ണമായും ലഭിച്ചുകഴിഞ്ഞാല്‍, എല്ലാവരും യാത്രയ്ക്ക് തയ്യാറെടുക്കുമെന്നുറപ്പ്. കാരണം, മറ്റൊന്നുമല്ല സ്‌റ്റേ അറ്റ് ഹോം, മാസ്ക്ക് ഒക്കെ വച്ചു ജീവിച്ചു മടുത്തുവെന്ന് പലരും പറയും. അന്താരാഷ്ട്ര യാത്രകള്‍ തത്ക്കാലം അവിടെ നില്‍ക്കട്ടെ. അഭ്യന്തര യാത്രകള്‍ക്ക് ഇനി സാധ്യതയുണ്ട്. എന്നാല്‍ ഒരു കാര്യമുണ്ട്, വാക്‌സിനേഷന്‍ പൂര്‍ണ്ണമായിരിക്കണം. ജോണ്‍സന്റെ ഒരു ഡോസും ഫൈസറിന്റെയും മോഡേണയുടെയും രണ്ടു ഡോസ് വീതം എടുത്താല്‍ മാത്രം വാക്‌സിനേറ്റഡ് എന്ന നിലയിലാകു. അതു കൊണ്ട് തന്നെ യാത്ര ചെയ്യാന്‍ ഉദ്ദേശിക്കുന്നവര്‍ അത്തരമൊരു നിലയിലാണെങ്കില്‍ മാത്രം അതിനെക്കുറിച്ച് ആലോചിച്ചാല്‍ മതി. എന്തായാലും വാക്‌സിന്‍ എടുത്തു എന്നതിന്റെ ഒരു തെളിവ് യാത്രയ്ക്ക് മുന്നോടിയായി കൈയിലുണ്ടാവണം.
യാത്ര ചെയ്യുമ്പോള്‍ കൈകഴുകുന്നതിലും മാസ്കിംഗിലും ശ്രദ്ധാലുവായിരിക്കണം. ചുറ്റുപാടും വൈറസ് ഉണ്ടാകും എന്ന ബോധ്യമുണ്ടാവണം. എവിടെയും അനാവശ്യമായി സ്പര്‍ശിക്കാതിരിക്കാന്‍ ശ്രദ്ധിക്കുക. ഒപ്പം, പ്രാദേശികമായ നിയന്ത്രണങ്ങളെക്കുറിച്ച് മുന്‍കൂര്‍ അറിയണം. കോവിഡ് ടെസ്റ്റ് സര്‍ട്ടിഫിക്കറ്റ് കൈയിലുണ്ടാവണം. ഒപ്പം, പുതിയ ലക്ഷ്യസ്ഥാനത്ത് എത്തിക്കഴിഞ്ഞാല്‍ എങ്ങനെ സുരക്ഷിതമായിരിക്കാമെന്നും എവിടെ താമസിക്കണം എന്നും മുന്‍കൂര്‍ തയ്യാറെടുത്തിരിക്കണം. അത്തരം യാത്ര ചെയ്യുന്നവര്‍ക്കായുള്ള, ചില മാര്‍ഗ്ഗങ്ങള്‍ പറഞ്ഞു തരാം.
ആദ്യമേ പറയട്ടെ, സിഡിസി മാര്‍ഗ്ഗനിര്‍ദ്ദേശങ്ങള്‍ പൂര്‍ണ്ണമായും പാലിക്കുക പൂര്‍ണമായും പ്രതിരോധ കുത്തിവയ്പ് നല്‍കിയ ആളുകള്‍ക്ക് ആഭ്യന്തര യാത്ര പുനരാരംഭിക്കാമെന്ന് സെന്റര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ (സിഡിസി) പ്രഖ്യാപിച്ചപ്പോള്‍ വല്ലാത്തൊരു സന്തോഷം ഉയര്‍ന്നു. ലക്ഷ്യസ്ഥാനത്ത് എത്തുമ്പോള്‍ യാത്രയ്ക്ക് മുമ്പോ ശേഷമോ അവര്‍ സ്വയം പരിശോധന നടത്തേണ്ടതില്ല. പകരം ചെയ്യേണ്ടത് ഇത്രമാത്രം, രണ്ടാമത്തെ മോഡേണ അല്ലെങ്കില്‍ ഫൈസര്‍ വാക്‌സീന്‍ കഴിഞ്ഞ് കുറഞ്ഞത് രണ്ടാഴ്ച വരെ യാത്ര ചെയ്യരുത്, ഒറ്റഷോട്ട് മാത്രമുള്ള ജോണ്‍സണ്‍ & ജോണ്‍സണ്‍ വാക്‌സിനും അതേ രണ്ടാഴ്ചത്തെ നിയമം പാലിക്കണം.
രാജ്യത്തെ എല്ലാവര്‍ക്കും പ്രതിരോധ കുത്തിവയ്പ്പ് നല്‍കാത്തതിനാല്‍, പകര്‍ച്ചവ്യാധി ആരംഭിച്ചതുമുതല്‍ നിലവിലുണ്ടായിരുന്ന സിഡിസി മാര്‍ഗ്ഗനിര്‍ദ്ദേശങ്ങള്‍ യാത്രക്കാര്‍ പിന്തുടരണം. മാസ്ക് ധരിക്കുക, സാമൂഹിക അകലം പാലിക്കുക, കൈ കഴുകുക, നിങ്ങള്‍ പൂര്‍ണമായി പ്രതിരോധ കുത്തിവയ്പ്പ് നടത്തിയാലും ജനക്കൂട്ടത്തെ ഒഴിവാക്കുക എന്നിവ ഇതില്‍ ഉള്‍പ്പെടുന്നു. പൂര്‍ണമായും വാക്‌സിനേഷന്‍ നടത്തിയവര്‍ മാസ്ക്ക് ധരിക്കുന്നത് നിര്‍ബന്ധമല്ലെന്ന് പുതിയ സിഡിസി മാര്‍ഗരേഖ പറയുന്നുണ്ടെങ്കിലും മുന്‍കരുതലായി ഇതു ധരിക്കുന്നതു കൊണ്ട് തെറ്റൊന്നുമല്ല.
റെന്റിനെടുത്തതോ, യാത്രയ്ക്കായി വിളിച്ച കാറിലോ കയറുന്ന നിമിഷം ആന്‍റി ബാക്ടീരിയല്‍ സ്‌പ്രേ ചെയ്യുന്നത് നല്ലതായിരിക്കും. ഇത് ഏറ്റവും കൂടുതല്‍ സ്പര്‍ശിക്കാന്‍ സാധ്യതയുള്ള എല്ലാ ഉപരിതലങ്ങളും തുടച്ചുമാറ്റുക. കൂടാതെ, കാറിലുള്ള ആദ്യത്തെ കുറച്ച് മിനിറ്റുകള്‍ക്ക്, വിന്‍ഡോകള്‍ തുറന്നിടുകയും ടാക്‌സിയില്‍ പോകുന്നതുപോലെ തന്നെ വായു സഞ്ചാരയോഗ്യമാക്കുകയും ചെയ്യുക.
കൂടുതല്‍ അമേരിക്കക്കാര്‍ രാജ്യത്തിന്റെ മറ്റൊരു പ്രദേശത്തേക്ക് പറന്ന് അവിടെ നിന്ന് റോഡ് മാര്‍ഗം യാത്ര ചെയ്യാന്‍ ഉദ്ദേശിക്കുന്നതിനാല്‍ വാടകനിരക്ക് അടുത്ത മാസങ്ങളില്‍ ഉയര്‍ന്നേക്കാം. ടാക്‌സി കാറുകള്‍ക്ക് കൂടുതല്‍ ആവശ്യക്കാര്‍ ഉള്ളതിനാല്‍, വാഹനം ഉറപ്പാക്കാന്‍ ഓണ്‍ലൈനില്‍ ബുക്ക് ചെയ്യാനും പ്രീപേയിംഗ് നല്‍കാനും ട്രാവല്‍ വെബ്‌സൈറ്റ് ഉപദേശിക്കുന്നു.
കോണ്‍ടാക്റ്റ്‌ലെസ് ടിക്കറ്റിംഗും മെച്ചപ്പെടുത്തിയ ക്ലീനിംഗ് പ്രോട്ടോക്കോളുകളും ഓരോ ഫ്‌ലൈറ്റിലും ഉണ്ടെന്ന് ഉറപ്പാക്കുക. വിമാനത്തിലായിരിക്കുമ്പോള്‍, ആന്‍റി ബാക്ടീരിയല്‍ വൈപ്പുകള്‍ ഉപയോഗിച്ച് ആംസ്‌റെസ്റ്റുകളും ട്രേ ടേബിളുകളും തുടക്കുക, ഹാന്‍ഡ് സാനിറ്റൈസര്‍ ഉപയോഗിക്കുക, ഫ്‌ലൈറ്റിന്റെ ദൈര്‍ഘ്യത്തിന് യോജിച്ച സുഖപ്രദമായ മാസ്ക് ഉപയോഗിക്കുക. ഇതിനായി യാത്രാ ആസൂത്രണ സംബന്ധിയായ ആപ്ലിക്കേഷനുകളുടെ സഹായം തേടാവുന്നതാണ്. ഒപ്പം ഫ്‌ളൈറ്റ് ക്യാന്‍സലേഷന്‍, റീബുക്കിംഗ് എന്നിവയും ശ്രദ്ധിക്കണം. ഒപ്പം, തിരക്കില്ലാത്ത ആഴ്ചയില്‍ പറക്കുന്നത് പരിഗണിക്കുക, പ്രത്യേകിച്ചും കുട്ടികളോടൊപ്പമോ അല്ലെങ്കില്‍ ഇതുവരെ വാക്‌സിനേഷന്‍ എടുത്തിട്ടില്ലാത്തവരുമായോ യാത്ര ചെയ്യുകയാണെങ്കില്‍. വിമാനത്താവളങ്ങളില്‍ ഇരിക്കുന്നത് പരിമിതപ്പെടുത്തുന്നതിന് നോണ്‍സ്‌റ്റോപ്പ് ഫ്‌ലൈറ്റുകള്‍ ബുക്ക് ചെയ്യുക, കഴിയുമെങ്കില്‍, തിരക്കേറിയ മെട്രോ വിമാനത്താവളത്തിനുപകരം ഒരു ചെറിയ പ്രാദേശിക വിമാനത്താവളത്തിലേക്ക് പറക്കുന്നതിലൂടെ ജനക്കൂട്ടത്തെ ഒഴിവാക്കാനാകും.
ഒരു ഹോട്ടല്‍ മുറി ബുക്ക് ചെയ്യുമ്പോഴും താമസിക്കാനായി എത്തുമ്പോഴും കര്‍ശനമായ സാമൂഹിക അകലവും ക്ലീനിംഗ് പ്രോട്ടോക്കോളുകളും പാലിക്കുന്നുണ്ടെന്ന് ഉറപ്പാക്കുക. കോണ്‍ടാക്റ്റ് ഇല്ലാത്ത ചെക്ക്ഇന്നുകള്‍ക്കുള്ള സ്മാര്‍ട്ട്‌ഫോണ്‍ ആപ്ലിക്കേഷനുകള്‍ പോലുള്ള സാങ്കേതികവിദ്യ നവീകരിക്കുന്നതില്‍ ഹോട്ടലുകള്‍ ശ്രദ്ധ കേന്ദ്രീകരിക്കുന്നുണ്ട്. ഇത് പ്രയോജനപ്പെടുത്തണം. ഹോട്ടലുകള്‍ക്ക് ഉയര്‍ന്ന ഡിമാന്‍ഡുണ്ടാകുമെന്ന് പ്രതീക്ഷിക്കുക, അതിനാല്‍ മുന്‍കൂട്ടി ഹോട്ടല്‍റൂം ബുക്ക് ചെയ്യുക. ഒരു ഹോട്ടലില്‍ താമസിക്കാനെത്തുന്നതിനുമുമ്പ് റിസപ്ഷനില്‍ ചോദ്യങ്ങള്‍ ചോദിക്കുക. അണുക്കള്‍ നീണ്ടുനില്‍ക്കുന്നതിനെക്കുറിച്ച് ആശങ്കയുണ്ടെങ്കില്‍, 72 മണിക്കൂറിനുള്ളില്‍ ആരും താമസിക്കാത്ത ഒരു മുറി ആവശ്യപ്പെടുക. എലിവേറ്ററുകളെയോ ലോബികളെയോ കുറിച്ച് ആശങ്കയുണ്ടെങ്കില്‍, താഴത്തെ നില ആവശ്യപ്പെടുക.
തിങ്ങിനിറഞ്ഞ ഉത്സവങ്ങള്‍, വാട്ടര്‍ പാര്‍ക്കുകള്‍, സംസ്ഥാന മേളകള്‍ പോലുള്ള പരിപാടികള്‍ എന്നിവ ഇപ്പോഴും ഒഴിവാക്കണം. അതു കൊണ്ടു തന്നെ മനോഹരമായ ഇടങ്ങള്‍ കണ്ടെത്തി അവിടേക്ക് ഇപ്പോള്‍ യാത്ര ചെയ്യാന്‍ തയ്യാറാകണം. രാജ്യത്തുടനീളമുള്ള 400 ലധികം ദേശീയ പാര്‍ക്കുകളേക്കാള്‍ ആകര്‍ഷകമായ മറ്റൊരിടമില്ലെന്നോര്‍ക്കുക. ഇവിടെയും എല്ലാ സന്ദര്‍ശകര്‍ക്കും മാസ്കുകള്‍ ആവശ്യമാണെന്ന് ഓര്‍മ്മിക്കുക (സിഡിസി ഇത് ആവശ്യമില്ലെന്ന് ഇപ്പോള്‍ പറയുന്നുണ്ടെങ്കിലും സ്വയം സുരക്ഷിതനാകുക), എല്ലായ്‌പ്പോഴും പാര്‍ക്ക് അവസ്ഥകളും കാലാവസ്ഥയും പരിശോധിക്കുക. ജനക്കൂട്ടത്തെക്കുറിച്ച് ആശങ്കയുണ്ടെങ്കില്‍, കുറച്ച് മാത്രം അറിയപ്പെടുന്ന ഒരു പാര്‍ക്ക് സന്ദര്‍ശിക്കുന്നത് പരിഗണിക്കുക. ലൊക്കേഷനും താല്‍പ്പര്യങ്ങളുമായി പൊരുത്തപ്പെടുന്ന ഒരു ലക്ഷ്യസ്ഥാനം കണ്ടെത്താന്‍ യോജിച്ച വെബ്‌സൈറ്റ് സന്ദര്‍ശിക്കുക.
ഇനി ഒരു ഫാമിലി ഫംഗ്ഷനാണ് പോകുന്നതെങ്കില്‍ വലിയ ഒത്തുചേരലുകള്‍ ഒഴിവാക്കണം. പ്രത്യേകിച്ചും ഭക്ഷണം കഴിക്കുമ്പോള്‍ സാമൂഹിക അകലം പാലിക്കല്‍ മുന്‍കരുതലുകള്‍ പാലിക്കുന്നുണ്ടെന്ന് ഉറപ്പാക്കുക. ഡാന്‍സ് കളത്തില്‍ പോലും മാസ്ക് ധരിക്കുക. മതിയായ മുന്‍കരുതലുകള്‍ സ്വീകരിക്കുക. എവിടെ പോയാലും, നിങ്ങളുടെ ആരോഗ്യത്തിന് മുന്‍ഗണന കൊടുക്കുക. ശുഭയാത്ര!
