ശ്രീഹരികോട്ട: ഇന്ത്യ രൂപകൽപ്പന ചെയ്ത ചെറു ഉപഗ്രഹ വിക്ഷേപണ പേടകം (എസ്എസ്എൽവി-ഡി2) വിക്ഷേപണത്തിനു സജ്ജം. വെള്ളിയാഴ്ച രാവിലെ 9.18ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്‍ററിൽനിന്നാണ് എസ്എസ്എൽവി-ഡി2 വിക്ഷേപിക്കുന്നത്.
എസ്എസ്എൽവി-ഡി1 വിക്ഷേപണവാഹനത്തിന്‍റെ ആദ്യ ദൗത്യം പരാജയപ്പെട്ടിരുന്നു. തുടർന്നു ആദ്യ വിക്ഷേപണ വാഹനത്തിന്‍റെ സാങ്കേതിക ഘടനയിൽ ചില മാറ്റങ്ങൾ വരുത്തിയാണ് എസ്എസ്എൽവി-ഡി2 വിക്ഷേപണം നടത്തുന്നത്.
ആദ്യ വിക്ഷേപണത്തിൽ 156.3 കിലോ ഭാരമുള്ള എർത്ത് ഓബ്സർവേഷൻ സാറ്റ് ലൈറ്റ് ( ഇഒഎസ്-07), ജാനസ്-1 (10.2 കിലോ), ആസാദിസാറ്റ്-2 (8.8 കിലോ) എന്നിവ ഭ്രമണപഥത്തിൽ എത്തിക്കും.
