![rahul_karanataka](https://i0.wp.com/keralatimes.com/wp-content/uploads/2023/04/rahul_karanataka.jpg?resize=650%2C345&ssl=1)
ബംഗളൂരു: കോൺഗ്രസ് നേതാവ് രാഹുൽ ഗാന്ധിയുടെ കോലാർ സന്ദർശന തീയതി വീണ്ടും മാറ്റി. ഈ മാസം പത്തിലെ പരിപാടി പതിനാറിലേക്ക് മാറ്റിയതായാണ് കോൺഗ്രസ് വൃത്തങ്ങൾ അറിയിച്ചിരിക്കുന്നത്.
സിദ്ധരാമയ്യ കോലാറിൽ മത്സരിക്കണോ എന്ന കാര്യത്തിൽ ഇപ്പോഴും അന്തിമ തീരുമാനമായിട്ടില്ല. ഈ ആശയക്കുഴപ്പങ്ങളുടെ പശ്ചാത്തലത്തിലാണ് രാഹുലിന്റെ സന്ദർശനത്തീയതി മാറ്റിയിരിക്കുന്നത്.
സിദ്ധരാമയ്യ, ഡി.കെ. ശിവകുമാർ പക്ഷങ്ങൾ തമ്മിൽ 25 സീറ്റുകളിലാണ് തർക്കം നിലനിൽക്കുന്നത്. ഇതിനിടെ, രണ്ടാംഘട്ട സ്ഥാനാർഥി പട്ടികയും കോൺഗ്രസ് കഴിഞ്ഞദിവസം പുറത്തുവിട്ടിരുന്നു.