ന്യൂഡൽഹി: സംഘർഷാവസ്ഥ നിലനിൽക്കുന്ന മണിപ്പുർ സന്ദർശിക്കാനൊരുങ്ങി കോൺഗ്രസ് നേതാവ് രാഹുൽ ഗാന്ധി.
ജൂൺ 29, 30 തീയതികളിൽ രാഹുൽ മണിപ്പുർ സന്ദർശിക്കുമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ അറിയിച്ചു. ചുരാചന്ദ്പുരിൽ വച്ച് പൊതുജനങ്ങളുമായി രാഹുൽ സംവദിക്കുമെന്നും പാർട്ടി അറിയിച്ചു.
മണിപ്പുർ രണ്ട് മാസമായി എരിയുകയാണ്; സ്ഥിതിഗതികൾ ശാന്തമാക്കി സമാധാനം ഉറപ്പാക്കാൻ കാരുണ്യത്തിന്റെ ഒരു തലോടൽ ആവശ്യമാണ്. ഇതിനാണ് രാഹുൽ മണിപ്പുരിൽ സന്ദർശനം നടത്തുന്നതെന്നും സ്നേഹത്തിന്റെ പടയാളികളാവുക എന്നത് തങ്ങളുടെ കടമയാണെന്നും കോൺഗ്രസ് വൃത്തങ്ങൾ വ്യക്തമാക്കി.