അനു ഉല്ലാസ് ഫോമാ വനിതാ പ്രതിനിധി സ്ഥാനാർഥി

“Behind every successful women is herself”. എന്നും ജീവിതത്തിന്റെ കരുത്തും, കാതലും നമ്മിൽ തന്നെ നിക്ഷിപ്‌തം എന്ന് വിശ്വസിക്കാൻ ഇഷ്ടപെടുന്ന വ്യക്തിത്വത്തിന് ഉടമയായ അനു ഉല്ലാസ്,  അവയിലേക്കുള്ള ദൂരം നമ്മുടെ കൈയിൽ എന്നും ഭദ്രമായിരിക്കട്ടെ എന്ന് ആഗ്രഹിക്കുന്നു.

വേറിട്ട ആശയങ്ങങളുമായി സ്ത്രീകൾക്ക് വേണ്ടി പ്രവർത്തിക്കാൻ ഒരു  പെൺ കരുത്തായി, ഫോമയിലേക്കു സ്ത്രീകൾ ഇനിയും ആർജവപൂർവ്വം കാലെടുത്തു വെക്കണമെന്ന് അഭിപ്രായപ്പെടുന്ന അനു,  ഫോമയിലെ സ്ത്രീ സാന്നിധ്യമായി  ഇനിയുള്ള 2 വർഷക്കാലം പ്രവർത്തിക്കുവാൻ ആഗ്രഹിക്കുകയാണ്.

നവോദയ വിദ്യാലയത്തിലെ സ്കൂൾ ദിനങ്ങളിൽ തന്റെ സ്ഥിര തട്ടകം ഇംഗ്ലീഷ് പ്രഭാഷണം ആയിരുന്നു. സമ്മാനങ്ങൾ ഏറെ കിട്ടിയിട്ടുള്ളതും അതിനു തന്നെ, അതിനോടുള്ള ഇഷ്ടമാണ് അമേരിക്കയിൽ നഴ്സിംഗ് കോളേജ് ലക്ചറർ എന്ന ജോലിയിലേക്ക്  കൊണ്ടെത്തിച്ചത്. അതിനോടൊപ്പം എഴുത്തും, നൃത്തവും, പാചകവും , വായനയും ഒരുപോലെ ഇഷ്ടപെടുന്നു.. ഐ.ടി മേഖലയിൽ ജോലി ചെയ്യുന്ന ഭർത്താവ് ഉല്ലാസും, 9, 6 വയസ്സുള്ള രണ്ടു മക്കളും അടങ്ങുന്നതാണ് തന്റെ ചെറിയ കുടുംബം.

ഏറെ ശുഭപ്രതീക്ഷകളോട് കൂടി ഫോമയിലേക്കു കാലെടുത്തു വെക്കുന്ന തനിക്ക് എല്ലാ വിധ സഹായ സഹകരണങ്ങളും നൽകണമെന്ന് അനു ഉല്ലാസ് അഭ്യർത്ഥിച്ചു. റ്റാമ്പ മലയാളി അസോസിയേഷൻ പ്രസിഡൻറ് നെവിൻ ജോസ് അറിയിച്ചതാണിത്.

വാർത്ത: നിബു വെള്ളവന്താനം