ന്യൂഡൽഹി: കഴിഞ്ഞ 24 മണിക്കൂറിനിടെ ഇന്ത്യയിൽ 17,296 പേർക്ക് കോവിഡ് ബാധിച്ചു. ഇതോടെ രാജ്യത്ത് രോഗം ബാധിച്ചവരുടെ ആകെ എണ്ണം 4,90,401 ആയി ഉയർന്നു. 1,89,463 പേരാണ് ചികിൽസയിലുള്ളത്. 2,85,637 പേർ രോഗമുക്തി നേടി. 15,301 പേരാണ് രോഗം ബാധിച്ച് മരിച്ചത്.
കഴിഞ്ഞ 24 മണിക്കൂറിനിടെ 13,490 പേരാണ് രോഗ മുക്തി നേടിയത്. രാജ്യത്തെ രോഗമുക്തി നിരക്ക് 58.24 ശതമാനമാണ്. മഹാരാഷ്ട്ര, ഡൽഹി, തമിഴ്നാട്, ഗുജറാത്ത് തുടങ്ങിയ സംസ്ഥാനങ്ങളിലാണ് ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്തത്.
മഹാരാഷ്ട്രയിൽ മാത്രം 1,47,741 പേർക്ക് രോഗം സ്ഥിരീകരിച്ചു. 6,931 പേർ ഇവിടെ കോവിഡ് ബാധിച്ച് മരിച്ചു. ഡൽഹിയും മുംബൈയുമാണ് കോവിഡ് കനത്ത നാശം വിതച്ച നഗരങ്ങൾ.
