ന്യൂഡൽഹി: ലഡാക്കിലെ ഇന്ത്യ-ചൈന അതിർത്തിയിൽ തൽസ്ഥിതി തുടരുന്നതിനിടെ ചൈനയുടെ നുഴഞ്ഞുകയറ്റശ്രമം പരാജയപ്പെടുത്തി ഇന്ത്യൻ സൈന്യം. വടക്കൻ സിക്കിമിലെ നാക്കു ലായിലാണ് ചൈനീസ് സൈന്യം നുഴഞ്ഞു കയറാൻ ശ്രമിച്ചത്.
കഴിഞ്ഞയാഴ്ചയാണ് സംഭവമുണ്ടായതെന്നാണ് റിപ്പോർട്ട്. ചൈനീസ് സൈന്യത്തിന്‍റെ നുഴഞ്ഞുകയറ്റ ശ്രമം ഇന്ത്യ പ്രതിരോധിച്ചതോടെ ശക്തമായ സംഘർഷമുണ്ടായി. സംഘർഷത്തിൽ 20 ചൈനീസ് സൈനികർക്കും നാല് ഇന്ത്യൻ സൈനികർക്കും പരിക്കേറ്റു. തുടർന്ന് ചൈനയുടെ നുഴഞ്ഞുകയറാനുള്ള ശ്രമം ഫലപ്രദമായി പ്രതിരോധിക്കാൻ ഇന്ത്യൻ സൈന്യത്തിന് കഴിഞ്ഞു.
ചൈനയുമായി ഒമ്പതാംവട്ട സൈനിക ചർച്ചകൾ നടക്കുന്നതിനിടെയാണ് സംഭവമുണ്ടായത്. കഴിഞ്ഞ ദിവസം നടത്തിയ ചർച്ച 15 മണിക്കൂറോളം നീണ്ടു നിന്നിരുന്നു.
