ചെന്നൈ: നിയമസഭാ തെരഞ്ഞെടുപ്പ് നടക്കാനിരിക്കുന്ന തമിഴ്നാട്ടിൽ സഖ്യകക്ഷിയായ കോൺഗ്രസിന് കൂടുതൽ സീറ്റുകൾ നൽകില്ലെന്ന് ഡിഎംകെ. സീറ്റ് നിർണയ ചർച്ചയ്ക്കായി തമിഴ്നാട്ടിലെത്തിയ ഉമ്മൻ ചാണ്ടിയോടാണ് ഡിഎംകെ അധ്യക്ഷൻ എം.കെ. സ്റ്റാലിൻ നിലപാട് വ്യക്തമാക്കിയത്.
നാൽപ്പതിലധികം സീറ്റുകൾ വേണമെന്നാണ് കോൺഗ്രസ് ആവശ്യപ്പെട്ടത്. എന്നാൽ 20 സീറ്റില് കൂടുതല് നല്കാനാകില്ലെന്ന് സ്റ്റാലിൻ അറിയിക്കുകയായിരുന്നു. പുതുച്ചേരിയിൽ ഭരണം നഷ്ടമായത് ഉൾപ്പടെയുളള സാഹചര്യങ്ങൾ ഡിഎംകെ കോൺഗ്രസ് നേതാക്കളോട് ചൂണ്ടിക്കാട്ടിയെന്നാണ് വിവരം.