മുൻ സ്പീക്കർ പി ശ്രീരാമകൃഷ്ണനും വിദേശ ബന്ധങ്ങളും

രാജേഷ് തില്ലങ്കേരി


മുൻ സ്പീക്കർ പി ശ്രീരാമകൃഷ്ണൻ ചില്ലറക്കാനല്ല, കേരള ചരിത്രത്തിൽ ഇത്രയേറെ ആരോപണ വിധേയനായ ഒരു സ്പീക്കർ ഉണ്ടായിട്ടില്ലെന്നൊക്കെ പ്രതിപക്ഷവും താമരപ്പാർട്ടിക്കാരും പറഞ്ഞതൊക്കെ വെറുതെയായി. ശ്രീരാമകൃഷ്ണൻ എന്ന തങ്കപ്പെട്ട പൊതുപ്രവർത്തകനെ ഇങ്ങനെ അധിക്ഷേപിച്ചവർക്കുള്ള മറുപടിയായിരുന്നു അദ്ദേഹത്തിന് ലഭിച്ച പുതിയ പദവി. 

സ്പീക്കർ പദവിയിൽ ഇരുന്ന ഒരു നേതാവിനെ എന്തിനാണ് ഇത്തരമൊരു പദവിയിൽ നിയമിച്ചതെന്ന് ചോദിച്ചാൽ ഉത്തരം ലളിതം, വിദേശികളുമായി ബന്ധപ്പെട്ട് പലവിധ പ്രൊജക്ടുകളിൽ ഏർപ്പെട്ടിട്ടുണ്ട്. അതൊക്കെ റിയാലിറ്റിയിലേക്ക് എത്തിക്കുകയെന്ന ചരിത്രപരമായ ദൗത്യമാണ് ശ്രീരാമകൃഷ്ണനെ പാർട്ടി ഏൽപ്പിച്ചിരിക്കുന്നത്. അപ്പോ ഈ പാർട്ടിയാരാ…ആ….

അപ്പോ മറ്റേ കേസൊക്കെ അവസാനിച്ചോ.. ? ഓ… ഇല്ലെന്നേ…. അതൊക്കെ ഇപ്പം തീർക്കില്ലേ….ല്ല പിന്നെ




കേരളത്തിലെ പിണറായി പൊലീസും വർധിക്കുന്ന ക്രിമനിലസവും


മാതൃകാ സംസ്ഥാനമാണ് കേരളം എന്നാണ്  എല്ലാവരും പറയുന്നത്. മറ്റു സംസ്ഥാനങ്ങളിലുള്ളതുപോലെ മാഫിയകളില്ല. കൊലകളില്ല, വമ്പൻ തട്ടിപ്പൻമാരില്ല. എന്തെങ്കിലും ക്രിമനൽ സംഭവങ്ങൾ അരങ്ങേറിയാൽ കേരളാ പൊലീസ് അവരുടെ ബുദ്ധി ഉപയോഗിച്ച് വിദേശത്തുവരെ പോയി പ്രതികളെ പിടിക്കും. എന്നാൽ പൊലീസിന്റെ ആ ബുദ്ധിക്കൊന്നും ഒരു കുറവുമില്ല, പക്ഷേ, കുറ്റക്കാരെ കണ്ടെത്താനൊന്നുമല്ല ആ ബുദ്ധി ഉപയോഗിക്കുന്നതെന്നു മാത്രം, പൊലീസിലെ ക്രിമിനലുകളെ സംരക്ഷിക്കാനും മാഫിയകളെ സഹായിക്കാനുമാണ് പൊലീസിന് ഏറെ താല്പര്യം.

എന്താണ് കേരളത്തിലെ പൊലീസിൽ സംഭവിക്കുന്നതെന്ന് മുഖ്യമന്ത്രിക്കുപോലും നിശ്ചയമില്ലത്രേ. നേരത്തെ പുറത്തുവന്ന കണക്കുകൾ പ്രകാരം കേരളത്തിൽ
744 പൊലീസുകാർ ക്രിമിനലുകളാണത്രേ. ഇത് വകുപ്പുതല അന്വേഷണത്തിൽ കണ്ടെത്തിയതാണ്. അന്വേഷണത്തിൽ വ്യക്തമാവാത്ത ക്രിമിനലുകൾ വേറെയുമുണ്ടെന്ന് മറക്കരുത്. ഇതിൽ ചവിട്ടിക്കൊന്നതും ഉരുട്ടിക്കൊന്നതുമായ കേസുകൾ വേറെ.

സിവിൽ പൊലീസ് ഉദ്യോഗസ്ഥർ മുതൽ  ഐ പി എസ് കാർ വരെയുണ്ട് ഈ പട്ടികയിൽ. വിജിലൻസ് കേസ് വേറെയുമുണ്ട്. കേസിൽ കുറ്റക്കാരായി കണ്ട 18 പൊലീസ് ഉദ്യോഗസ്ഥരെ പിരിച്ചുവിട്ടിട്ടുണ്ട്. വിചാരണ പൂർത്തിയാക്കി ശിക്ഷവിധിച്ചിരുന്നുവെങ്കിൽ പൊലീസ് ക്രിമിനലുകളുടെ എണ്ണം ഇതിലും കൂടിയേനെ. കെവിൻ കേസിലും, ഉത്ര കേസിലും ഒക്കെ പൊലീസ് നിലപാട് എന്തായിരുന്നു എന്ന് നാം കണ്ടു. സ്ത്രീ സുരക്ഷയ്ക്കായി വലിയ പദ്ധതികൾ പ്രഖ്യാപിച്ചു, പിങ്ക് പൊലീസും, റെഡ് പൊലീസും ഉണ്ടാക്കി. എന്നിട്ടെന്ത് സംഭവിച്ചു ?  നമ്മുടെ പൊലീസ് ഇപ്പോഴും പഴയപടിതന്നെ.

നേരത്തെ തലശ്ശേരി എം എൽ എയായിരുന്ന എ എം ഷംസീർ ഭാര്യയെ കാലിക്കറ്റ് സർവ്വകലാശാലയിലും കണ്ണൂർ സർവ്വകലാശാലയിലും തിരുകി കയറ്റാൻ നടത്തിയ ശ്രമങ്ങൾ ഏറെ രാഷ്ട്രീയ വിവാദങ്ങൾക്ക് വഴിവച്ചിരുന്നു. സ്പീക്കർ എം ബി രാജേഷിന്റെ ഭാര്യയ്ക്ക് കാലടി സർവ്വകലാശാലയിൽ നൽകിയ ജോലിയും പലരെയും ചവിട്ടിതാഴ്ത്തിയായിരുന്നു.

മുതിർന്ന നേതാക്കൾ സ്വന്തം ഭാര്യയ്ക്ക് തെരഞ്ഞെടുപ്പിൽ സീറ്റൊപ്പിക്കുന്നതും, അവരെ മന്ത്രിയാക്കുന്നതും കണ്ടുപഠിച്ച യുവ നേതാക്കളെ എങ്ങിനെ കുറ്റം പറയും.  കെ കെ രാഗേഷിന്റെ ഭാര്യ പ്രിയ വർഗീസിന് കണ്ണൂർ സർവ്വകലാശാലയിൽ നിയമനം നൽകാൻ നിശ്ചിത യോഗ്യതയുള്ളയാളെ പരിഗണിക്കാതിരുന്നതാണ് വിവാദമായത്. കണ്ണൂർ സർവ്വകലാസാല വി സി യെ ഉപയോഗിച്ച് നിയമനം നൽകുകയാണ് നേതാക്കൾ ചെയ്തത്. വി സിക്കും ഗുണമുണ്ടാവുന്ന വകയായിരുന്നു അത്. ചരിത്രത്തിൽ ആദ്യമായി വി സിക്ക് രണ്ടാമതൊരു വട്ടം കൂടി വി സി കസേരയിൽ ഇരിക്കാൻ സർക്കാർ അനുമതിയും നൽകി.

ഗർഭം ധരിക്കുന്നതിനും പ്രസവിക്കുന്നതിനും വിവാഹം എന്ന ആചാരത്തിലൂടെ മാത്രമേ പാടുള്ളൂ എന്നു ശഠിക്കാൻ വിപ്ലവ പാർട്ടിയെന്ന് അവകാശപ്പെടുന്ന സി പി എമ്മിന് എങ്ങിനെ കഴിയുന്നു എന്നതാണ് അത്ഭുതം.  നിലവിലുള്ള എല്ലാ നിയമങ്ങളും പഴഞ്ഞനാണെന്നു ധരിക്കുകയും ഇവയൊക്കെ മാറുമ്പോഴാണ് വിപ്ലവം ഉണ്ടാവുകയെന്ന് വിശ്വസിക്കുകയും ചെയ്യുന്ന പാർട്ടിയാണ് പഴഞ്ഞൻ രീതികൾ പ്രചരിപ്പിക്കുകയും, അനുപമയെ താറടിക്കാനായി ഇറങ്ങിത്തിരിക്കുകയും ചെയ്യുന്നത്.
ഒടുവിൽ അനുമപയ്ക്ക് സ്വന്തം കുഞ്ഞിനെ ലഭിച്ചു. ഇനി അനാദകുഞ്ഞെന്ന പേരിൽ അനുപമയുടെ കുഞ്ഞിനെ കടത്താൻ കൂട്ടുനിന്ന ശിശു ക്ഷേമസമിതിക്ക് എന്ത് ശിക്ഷയെന്നാണ് കേരളം ചോദിക്കുന്നത്.

കേരളത്തെ രണ്ടാക്കുമെന്നും, വലിയ പാരിസ്ഥിതികാഘാതമുണ്ടാക്കുമെന്നുമാണ് കോൺഗ്രസ് പറയുന്നത്. ഇത്തരമൊരു പദ്ധതി കേരളം പോലുള്ള സംസ്ഥാനത്ത് ഒരാവശ്യവുമില്ലെന്ന് നേരത്തെ എം കെ മുനീർ അധ്യക്ഷനായുള്ള യു ഡി എഫ് സമിതി കണ്ടെത്തിയിരുന്നു. പണ്ട് എ കെ ആന്റണി മന്ത്രിസഭയിൽ പൊതുമരാമത്ത് മന്ത്രിയായിരുന്ന ഡോ എം കെ മുനീർ കൊണ്ടുവന്ന എക്‌സ്പ്രസ് വേയെന്ന യമണ്ടൻ വികസന പദ്ധതിയെ പാരവച്ച് ഇല്ലാതാക്കിയ ഇടത് മുന്നണിയെ അങ്ങിനെ കെ-റെയിലുമായി മുന്നോട്ടു പോവാൻ സമ്മതിക്കില്ലെന്നാണ് യു ഡി എഫിന്റെ നിലപാട്.