ന്യൂഡൽഹി: ലോകത്ത് കോവിഡ് വ്യാപനവും മരണവും വർധിക്കുന്നു. ലോകത്താകെ കോവിഡ് മൂലം മരിച്ചവരുടെ എണ്ണം 30 ലക്ഷം കടന്നു. ജോൺ ഹോപ്കിൻസ് സർവകലാശാല പുറത്തുവിട്ട കണക്കുകൾ പ്രകാരം ഇതുവരെ 3,015,001 പേരാണ് മരിച്ചത്.
ലോകം കോവിഡിന്‍റെ കോവിഡിന്‍റെ ഏറ്റവും ഉയർന്ന നിരക്കിലേക്ക് എത്തിക്കൊണ്ടിരിക്കുകയാണെന്ന് കഴിഞ്ഞ ദിവസം ലോകാരോഗ്യ സംഘടന മുന്നറിയിപ്പ് നൽകിയിരുന്നു. കഴിഞ്ഞ ആഴ്ച ലോകത്താകെ ഒരു ദിവസം ശരാശരി 12,000 മരണങ്ങളാണ് റിപ്പോർട്ട് ചെയ്തത്.
കോവിഡ് രോഗികളുടെ എണ്ണവും മരണങ്ങളും ആശങ്കാജനകമായ നിരക്കിൽ വർധിക്കുകയാണെന്ന് ലോകാരോഗ്യസംഘടന തലവൻ ഡോ. ടെഡ്രോസ് അദാനം ഗെബ്രിയേസസ് പറഞ്ഞു. ആഗോളതലത്തിൽ, കഴിഞ്ഞ രണ്ട് മാസത്തിനിടെ ആഴ്ചയിൽ പുതിയ കേസുകളുടെ എണ്ണം ഏകദേശം ഇരട്ടിയായി- അദ്ദേഹം കൂട്ടിച്ചേർ‌ത്തു.
