തൃക്കാക്കര: തൃക്കാക്കരയിലെ തെരഞ്ഞെടുപ്പ് പ്രചരണത്തിനായി കെ എസ് യു ജില്ലാ കമ്മിറ്റി വിളിച്ചു ചേര്ത്ത യോഗത്തില് കയ്യാങ്കളി നടന്നതായി റിപ്പോര്ട്ട്. വെള്ളിയാഴ്ച്ച വൈകിട്ട് നടന്ന യോഗത്തിനിടെ കെ എസ് യു സംസ്ഥാന പ്രസിഡന്റ് കെ എം അഭിജിത്തിന് നേരെ കൈയേറ്റ ശ്രമമുണ്ടായതായാണ് വിവരം. കെ എസ് യു ആലുവ ബ്ലോക്ക് പ്രസിഡന്റ് അല് ആമീന് അഷ്റഫിന്റെ നേതൃത്വത്തിലായിരുന്നു കൈയേറ്റ ശ്രമം. കെ എസ് യുവില് പുനസംഘടന നടക്കാത്തതിനെ ചൊല്ലിയാണ് വാക്കേറ്റമുണ്ടായത്.
അഞ്ച് വര്ഷമായി കെ എസ് യുവില് പുനസംഘടന നടക്കാത്തതില് സംസ്ഥാനത്തെ പ്രവര്ത്തകര്ക്കിടയില് വ്യാപകമായ അതൃപ്തിയുണ്ട്. ഇതിനെതിരെ നേരത്തേയും കെ എം അഭിജിത്തിനെതിരെ കെ എസ് യുവില് പടയൊരുക്കമുണ്ടായിരുന്നു. എന്നാല് യോഗത്തില് വെച്ച് കൈയ്യേറ്റ ശ്രമമുണ്ടായി എന്ന വാര്ത്ത നിഷേധിച്ച് കെ എസ് യു സംസ്ഥാന പ്രസിഡന്റ് കെ എം അഭിജിത്ത് തന്നെ രംഗത്തെത്തി. തല്പരകക്ഷികള് തൃക്കാക്കകര ഉപതെരഞ്ഞെടുപ്പ് മുന്നില് കണ്ട് നടത്തുന്ന കുപ്രചരണമാണിതെന്ന് അഭിജിത്ത് റിപ്പോര്ട്ടര് ടിവിയോട് പ്രതികരിച്ചു.