ആയുര്‍വേദം, യോഗ, ധ്യാനം, അക്യുപങ്ചര്‍, നാച്വറോപ്പതി, പഞ്ചകര്‍മ, ഹോളിസ്റ്റിക് ചികിത്സകള്‍ തുടങ്ങിയ മേഖലകളിലുള്ള 32 സ്ഥാപനങ്ങള്‍ പങ്കെടുക്കുന്ന എക്‌സ്‌പോയില്‍ യുകെ, കാനഡ, ഓസ്‌ട്രേലിയ, സ്വീഡന്‍, ചൈന, ഹോങ്കോങ്ങ്, നൈജീരിയ, ദക്ഷിണാഫ്രിക്ക, ഇന്തോനേഷ്യ എന്നിവിടങ്ങളില്‍ നിന്നായി ആയിരക്കണക്കിന് ബിസിനസ് സന്ദര്‍ശകരെത്തുന്നു
കൊച്ചി: രണ്ടു ദിവസമായി ഓണ്‍ലൈനില്‍ നടന്നു വരുന്ന ഹെല്‍ത്ത്, ബ്യൂട്ടി ആന്‍ഡ് വെല്‍നസ് 2021 എക്‌സ്‌പോ ഇന്ന് (ഒക്ടോ 23) സമാപിക്കും. ആയുര്‍വേദം, യോഗ, ധ്യാനം, അക്യുപങ്ചര്‍, നാച്വറോപ്പതി, പഞ്ചകര്‍മ, ഹോളിസ്റ്റിക് ചികിത്സകള്‍ തുടങ്ങിയ മേഖലകളില്‍ നിന്നുള്ള സ്ഥാപനങ്ങള്‍ പങ്കെടുക്കുന്ന എക്‌സ്‌പോയില്‍ യുകെ, കാനഡ, ഓസ്‌ട്രേലിയ, സ്വീഡന്‍, ചൈന, ഹോങ്കോങ്ങ്, നൈജീരിയ, ദക്ഷിണാഫ്രിക്ക, ഇന്തോനേഷ്യ എന്നിവിടങ്ങളില്‍ നിന്നായി ആയിരക്കണക്കിന് ബിസിനസ് സന്ദര്‍ശകരാണ് ഇതുവരെ എത്തിയതെന്ന് സംഘാടകര്‍ അറിയിച്ചു. ഓണ്‍ലൈന്‍ രജിസ്‌ട്രേഷന്: https://healthbeautyexp.floor.bz/cast/login. രാവിലെ 10-30 മുതല്‍ വൈകീട്ട് 6-30 വരെയാണ്പ്രദര്‍ശന സമയം.
ആയുര്‍വേദ മേഖലയില്‍ 1929 മുതല്‍ പാരമ്പര്യമുള്ള ബിഫ, കടല്‍പ്പായലില്‍ നിന്നുള്ള വിവധ ഉല്‍പ്പന്നങ്ങള്‍ നിര്‍മിക്കുന്ന ന്യൂട്രാസൂട്ടിക്കല്‍സ് സ്ഥാപനമായ കൊച്ചിയിലെ ബോധിന നാച്വറല്‍സ്, ആയുര്‍വേദ വെല്‍നസ് മേഖലയിലെ ഹ്യൂമന്‍ വെല്‍നസ്, പ്രമുഖ ഹെല്‍ബല്‍ കോസ്‌മെറ്റിക്, എഫ്എംസിജി നിര്‍മാതാവായ ന്യൂട്രിലോയ്ഡ്‌സ്, നേറ്റാ ലൈഫ് ബ്രാന്‍ഡിലുള്ള കോക്കോ ഡയററ്ററി ഫുഡ്, ചക്കപ്പഴ ജ്യൂസ്, ഇളനീര്‍ തുടങ്ങിയ പാനീയങ്ങള്‍, ആപ്പ്ള്‍ സിഡാര്‍ കോക്കനട്ട് വിനാഗിരി എന്നീ ഉല്‍പ്പന്നങ്ങളുമായി നേറ്റാ ന്യൂട്രിക്കോ തുടങ്ങിയ 32 സ്ഥാപനങ്ങളാണ് മേളയില്‍ പങ്കെടുക്കുന്നത്. ഇവയ്ക്കു പുറമെ സംസ്ഥാനത്തെ ചെറുകിട-ഇടത്തരം മേഖലകളില്‍ നിന്നുള്ള യൂണിറ്റുകളും എസ് സി/എസ്ടി മേഖലയില്‍ നിന്നുള്ള യൂണിറ്റുകളും പങ്കെടുക്കുന്നുണ്ട്. ഇവയ്ക്കു പുറമെ നാളികേരം അടിസ്ഥാനമായ ഹെല്‍ത്ത്, ബ്യൂട്ടി, വെല്‍നസ് ഉല്‍പ്പന്നങ്ങള്‍ നിര്‍മിക്കുന്ന സ്ഥാപനങ്ങളെ അവതരിപ്പിക്കുന്ന സിഡിബി പവലിയനുമായി കോക്കനട്ട് ഡെവലപ്‌മെന്റ് ബോര്‍ഡും മേളയിലുണ്ട്.
ഓണ്‍ലൈനില്‍ നടക്കുന്ന ത്രിദിന പ്രദര്‍ശനത്തിന്റെ ഭാഗമായി നടന്ന ടെക്‌നിക്കല്‍ സെഷനുകളില്‍ കടല്‍പ്പായലില്‍ നിന്നുള്ള നാച്വറല്‍ മള്‍ട്ടി-വിറ്റമിന്‍സ് എന്ന വിഷയത്തില്‍ സിഫ്റ്റ് ഡയറക്ടര്‍ ഡോ. രവികുമാര്‍, കടല്‍പ്പായലില്‍ നിന്നുള്ള വിവിധ ഉല്‍പ്പന്നങ്ങള്‍ നിര്‍മിക്കുന്ന ബോധിന നാച്വറല്‍ എംഡി ബോബി കിഴക്കേത്തറ, എജിഎം ഡോ. അശ്വതി ഉണ്ണിക്കൃഷ്ണന്‍ എന്നിവരും ആയുര്‍വേദ വെല്‍നസ് ടൂറിസം എന്ന വിഷയത്തില്‍ ഹോളി ലാമ വെല്‍നസ് ചീഫ് ഫിസിഷ്യന്‍ ഡോ. ഹരിയും പ്രസംഗിച്ചു.
സമീപഭാവിയില്‍ ഇന്ത്യന്‍ ടൂറിസത്തിന് വന്‍വളര്‍ച്ചയേകുമെന്ന് കണക്കാക്കപ്പെടുന്ന വെല്‍നസ് ടൂറിസം മേഖലയ്ക്കാണ് എക്‌സ്‌പോ ഊന്നല്‍ നല്‍കിയിരിക്കുന്നതെന്ന് സംഘാടകരായ ക്രൂസ് എക്‌സ്‌പോസ് ഡയറക്ടര്‍ ജോസഫ് കുര്യാക്കോസ് പറഞ്ഞു. ഈ രംഗത്തെ നൂതന പ്രവണതകളും പരിഷ്‌കൃത സാങ്കേതികവിദ്യകളും മേളയിലുണ്ട്. പുതിയ ഉല്‍പ്പന്നങ്ങളുടെ അവതരണം, സേവനങ്ങളുടെ ഡെമോണ്‍സട്രേഷനുകള്‍, നെറ്റ് വര്‍ക്കിംഗ് മീറ്റിംഗുകള്‍ എന്നിവയും മേളയുടെ ഭാഗമായി നടക്കുന്നു. ഇന്ത്യന്‍ വെല്‍നസ് മേഖലയുടെ പ്രധാന കേന്ദ്രമെന്ന നിലയില്‍ കേരളത്തിനും കേരളത്തിലെ ഈ രംഗത്തുള്ള സ്ഥാപനങ്ങള്‍ക്കും മേള ഏറെ ഉപകാരപ്പെടുമെന്നും അദ്ദേഹം പറഞ്ഞു. ആയുര്‍വേദം, യോഗ, ധ്യാനം, അക്യുപങ്ചര്‍, നാച്വറോപ്പതി, പഞ്ചകര്‍മ, ഹോളിസ്റ്റിക് ചികിത്സകള്‍ തുടങ്ങിയ മേഖലകളിലുള്ള കേരളത്തിലെ സ്ഥാപനങ്ങള്‍ക്കും ഇവരുടെ ഉല്‍പ്പന്നങ്ങളും സേവനങ്ങളും അന്വേഷിക്കുന്ന ലോകമെമ്പാടുമുള്ള ടൂര്‍ ഓപ്പറേറ്റര്‍മാര്‍ ഉള്‍പ്പെടെയുള്ള സ്ഥാപനങ്ങള്‍ക്കും മേള ഏറെ ഗുണകരമാകും.
കഴിഞ്ഞ 15 വര്‍ഷമായി എക്‌സ്‌പോ സംഘാടകരംഗത്തു പ്രവര്‍ത്തിക്കുന്ന ക്രൂസ് എക്‌സ്‌പോസ് ഫുഡ്‌ടെക്, ഹോട്ടല്‍ടെക് കേരള മേളകളിലൂടെയാണ് പ്രശസ്തിയാര്‍ജിച്ചത്.
വിവരങ്ങള്‍ക്ക്
Cruz Expos
Chingam, K. P. Vallon Road, Kadavanthra, Kochi – 682 020. India
Mob: +91 8893304450
E-mail: joseph@cruzexpos.com, event@cruzexpos.com
www.cruzexpos.com
