പി പി ചെറിയാൻ
വാഷിംഗ്‌ടൺ ഡി സി: ഹമാസ് യുദ്ധം കൊടുമ്പിരി കൊള്ളുന്നതിനിടയിൽ അമേരിക്കൻ സൈനികരെ ഇസ്രായേലിലേക്കോ ഗാസയിലേക്കോ അയയ്ക്കാൻ യുഎസിന് “തീർച്ചയായും ഉദ്ദേശ്യമില്ലെന്ന്” വൈസ് പ്രസിഡന്റ് കമല ഹാരിസ്.
“ഇസ്രായേലിലേക്കോ ഗാസയിലേക്കോ യുദ്ധസേനയെ അയയ്ക്കാൻ ഞങ്ങൾക്ക് യാതൊരു ഉദ്ദേശവുമില്ല,
അപ്രകാരമുള്ള പദ്ധതികളൊന്നുമില്ല,” ഞായറാഴ്ച സംപ്രേഷണം ചെയ്ത സിബിഎസിന്റെ “60 മിനിറ്റ്” ന് നൽകിയ ഹാരിസ് അഭിമുഖത്തിൽ പറഞ്ഞു. സ്വയം പ്രതിരോധിക്കാനുള്ള ഇസ്രായേലിന്റെ അവകാശത്തെ പിന്തുണയ്ക്കുന്നുവെന്നും അതേസമയം സിവിലിയൻമാരുടെ സംരക്ഷണത്തിനു പ്രാധാന്യം നൽകണമെന്നും അവർ പറഞ്ഞു.
കണക്കുകൾ പ്രകാരം, കുറഞ്ഞത് 1,400 ഇസ്രായേലികളെങ്കിലും മരിച്ചു. ഇസ്രയേലിന് സ്വയം പ്രതിരോധിക്കാൻ അവകാശമുണ്ട്, “അവർ പറഞ്ഞു. അതേസമയം പലസ്തീനികൾക്കും സുരക്ഷിതത്വത്തിനുള്ള അവകാശമുണ്ട്. യുദ്ധ നിയമങ്ങൾ പാലിക്കേണ്ടതുണ്ടെന്നും മാനുഷിക സഹായം നൽകണമെന്നും ഞങ്ങൾ വളരെ വ്യക്തമായി പറഞ്ഞിട്ടുണ്ട്.
ഗാസയ്ക്ക് പുറത്ത് പടരുന്ന സംഘർഷത്തെക്കുറിച്ചുള്ള ആശങ്കകൾക്കിടയിൽ, ഇറാനോട് ഇടപെടരുതെന്ന ബൈഡന്റെ മുന്നറിയിപ്പും ഹാരിസ് ആവർത്തിച്ചു.
