അനഘ വാരിയർ
കലാഞ്ജലി 2023 എന്ന പരിപാടിയോട് കൂടി കെഎച്ച്എന്‍എ സൗത്ത് ഈസ്റ്റ് റീജിയൻ്റെ കലാസാംസ്കാരിക പരിപാടികൾക്ക് ഏപ്രിൽ 30 നു ഔപചാരികമായ തുടക്കംകുറിച്ചു . കെഎച്ച്എന്‍എ പ്രസിഡന്റ് GK പിള്ള യും, വിവിധ ഭാരവാഹികളും ചേർന്ന് ഭദ്രദീപം കൊളുത്തി ഈ പരിപാടിയുടെ ഉദ്‌ഘാടന കർമ്മം നടത്തി. കേരളത്തിൻ്റെ തനതായ കലാസാംസ്കാരിക പാരമ്പര്യം ഉൾക്കൊണ്ടു കൊണ്ടുനടത്തിയ ഈ പരിപാടി, സൗത്ത് ഈസ്റ്റ് റീജിയണിലെ കുട്ടികളും മുതിർന്നവരുമായ നിരവധി കലാകാരന്മാരുടെ സാനിധ്യം കൊണ്ട് ശ്രദ്ധേയമായി .കെഎച്ച്എന്‍എ യുടെ നിലവിലെ ഭാരവാഹികളും, മുൻ ഭാരവാഹികളും പരിപാടിയുടെ ഭാഗമായിരുന്നു.
കെഎച്ച്എന്‍എ ദേശീയ സാംസ്‌കാരിക സമിതിയുടെ “പഞ്ചദളം” എന്ന ആശയത്തിലെ സംഗീതിക, നൂപുരം, തൂലിക , സാഹിതീയം, ശ്രീലകം എന്നീ 5 മേഖലകളും സ്പർശിച്ചു കൊണ്ടായിരുന്നു “കലാഞ്ജലി” എന്ന സൗത്ത് ഈസ്റ്റ് റീജിയൻ്റെ ഈ പരിപാടി ചിട്ടപ്പെടുത്തിയത് .
നന്ദിത ബിജേഷ് , ഹരിത മേനോൻ, രാഖി രാജീവ് , ബബിത വിജയ്, രഞ്ജന വാരിയർ, രശ്മി സുനിൽ, അനുരാധ മനോജ് , വിദ്യ ഗോപൻ എന്നിവർ അംഗങ്ങളായുള്ള സാംസ്ക്കാരിക സമിതിയാണ് “കലാഞ്ജലി 2023 ” നു ചുക്കാൻ പിടിച്ചത് . നമ്മുടെ തനതായ പാരമ്പര്യകലകൾ പുതു തലമുറയിലേക്ക് പകർന്നു നൽകാനും , സൗത്ത് ഈസ്റ്റ് റീജിയനിലെ കലാകാരന്മാർക്ക് കെഎച്ച്എന്‍എ യുടെ ഭാഗം ആവാൻ ഉള്ള അവസരമായിരുന്നു ” കലാഞ്ജലി ” എന്നും റീജിയണൽ കൾച്ചറൽ ചെയർ നന്ദിത ബിജേഷ് അറിയിച്ചു. മനോജ് കൈപ്പള്ളി (റീജിയണൽ കൺവീനർ ) , പ്രവിബ് നായർ (മീഡിയ ചെയർ ) എന്നിവരാണ് സാങ്കേതിക തികവോടെ ഈ സൂം പരിപാടി പ്രേക്ഷകരിലേക്കെത്തിച്ചത്.
നവംബറിൽ നടക്കാനിക്കുന്ന അശ്വമേധം 2023 എന്ന കെഎച്ച്എന്‍എ യുടെ കൺവെൻഷന് മുന്നോടിയായാണ് “കലാഞ്ജലി 2023 ” എന്ന സൂം ഈ പരിപാടി നടത്തിയത്.
