ഹ്യൂസ്റ്റണ്‍: മലയാളി അസ്സോസിയേഷന്‍ ഓഫ് ഗ്രേറ്റര്‍ ഹ്യുസ്റ്റന്റെ ക്രിസ്മസ്-ന്യൂ ഇയര്‍ ആഘോഷങ്ങള്‍ ജനുവരി 8 ഞായറാഴ്ച വൈകുന്നേരം 5:30-ന് സ്റ്റാഫോര്‍ഡിലുള്ള സെന്റ്‌ തോമസ്‌ ഇന്ത്യന്‍ ഓര്‍ത്തഡോക്സ് കത്തീഡ്രല്‍ ഓഡിറ്റോറിയത്തില്‍ വെച്ചു നടത്തപ്പെടും. അലക്സിയോസ് മാര്‍ യൗസേബിയോസ് മെത്രാപ്പലീത്ത, ഇന്ത്യന്‍ കോണ്‍സുലേറ്റ് വൈസ് കോണ്‍സുല്‍ രവീന്ദ്ര ജോഷി എന്നിവര്‍ മുഖ്യാതിഥികളായിരിക്കും. റവ. ഫിലിപ്പ് ഫിലിപ്പ് ക്രിസ്മസ്-പുതുവത്സര സന്ദേശം നല്‍കും.
ഹ്യുസ്റ്റന്‍ ഇമ്മാനുവേല്‍ മാര്‍ത്തോമ്മ പള്ളിയുടെ കരോള്‍ ഗാനം, വിവിധ ഡാന്‍സ് സ്‌കൂളുകള്‍ അവതരിപ്പിക്കുന്ന നൃത്തനൃത്യങ്ങള്‍, സ്കിറ്റുകള്‍, ഹ്യുസ്റ്റനിലെ കലാകാരന്മാരുടെ ഗാനമേളകള്‍ തുടങ്ങിയവ പരിപാടികളിലെ മുഖ്യ ആകര്‍ഷണങ്ങളായിരിക്കും.
2017- ലേക്ക് തെരഞ്ഞെടുക്കപ്പെട്ട ഭാരവാഹികളെ ഈ ചടങ്ങില്‍ വെച്ച് പരിചയപ്പെടുത്തുന്നതായിരിക്കുമെന്ന് പ്രസിഡന്റ് ഏബ്രഹാം ഈപ്പന്‍ പറഞ്ഞു. എല്ലാ മലയാളികളേയും കുടുംബസമേതം ഈ ആഘോഷവേളയിലേക്ക് സ്വാഗതം ചെയ്യുന്നതായി സംഘാടകര്‍ അറിയിച്ചു.
കൂടുതല്‍ വിവരങ്ങള്‍ക്ക്: റെനി കവലയില്‍ (പ്രോഗ്രാം കോ-ഓര്‍ഡിനേറ്റര്‍) 281-300-9777.
