ന്യൂജേഴ്‌സി ഡ്രാഗണ്‍ ബോട്ട് ക്ലബ്ബ്, ജൂണ്‍ 16 ശനിയാഴ്ച പാഴ്‌സിപ്പനിയിലെ ഡ്‌റൂസ് തടാകത്തില്‍ വച്ച് സംഘടിപ്പിച്ച വള്ളംകളി മത്സരങ്ങളില്‍ പങ്കെടുത്ത്‌ ന്യൂയോര്‍ക്കില്‍ നിന്നുള്ള ഭാരത് ബോട്ട് ക്ലബ്ബ് സ്വര്‍ണ മെഡല്‍ നേടി. ന്യൂജേഴ്‌സിയില്‍ നിന്നുള്ള വളരെയധികം ടീമുകള്‍ പങ്കെടുത്ത മത്സരത്തില്‍ മെഡല്‍ നേടാന്‍ കഴിഞ്ഞതില്‍ സന്തോഷമുണ്ടെന്ന് പ്രസിഡന്റ് രാധാകൃഷ്ണന്‍ കുഞ്ഞുപിള്ള പറഞ്ഞു.
വിശ്വനാഥന്‍ കുഞ്ഞുപിള്ള ട്രഷററായും വിശാല്‍ വിജയന്‍ സെക്രട്ടറിയായും പ്രവര്‍ത്തിക്കുന്ന ബി.ബി.സി. ന്യൂയോര്‍ക്ക് എന്ന ചുരുക്കപ്പേരില്‍ അറിയപ്പെടുന്ന ഭാരത് ബോട്ട് ക്ലബ്ബ് ഈ വര്‍ഷം അമേരിക്കയിലും കാനഡയിലും നടക്കുന്ന വിവിധ വള്ളം കളികളി മത്സരങ്ങളില്‍ പൂര്‍വാധികം വാശിയോടെ പങ്കെടുക്കും എന്ന് ക്യാപ്റ്റന്‍ ചെറിയാന്‍ ചക്കാലപ്പടിക്കല്‍ പറഞ്ഞു. ടീമംഗങ്ങള്‍ അതിന് വേണ്ടിയുള്ള തീവ്ര പരിശീലനത്തിലാണ് എന്നും അദ്ദേഹം പറഞ്ഞു.
സ്പോണ്‍സര്‍ ഫിലിപ്പ് കുന്നിരിക്കല്‍, ടീമംഗങ്ങളെ അഭിനന്ദിക്കുകയും ഭാവിയിലും ആവശ്യമായ സഹായ സഹകരണം തൻ്റെ ഭാഗത്തുനിന്നുണ്ടാവും എന്ന് വാഗ്ദാനം നല്‍കുകയും ചെയ്തു.
റിപ്പോര്‍ട്ട്: ജയപ്രകാശ് നായര്‍
