വാഷിങ്ടൺ: ഹൂസ്റ്റണിലെ ചൈനീസ് കോൺസുലേറ്റ് അടച്ചുപൂട്ടാൻ ഉത്തരവിട്ട് യു.എസ്. 72 മണിക്കൂറിനകം കോൺസുലേറ്റിെൻറ പ്രവർത്തനങ്ങൾ നിർത്തിവെക്കാനാണ് യു.എസിെൻറ ഉത്തരവ്. ചൈനീസ് വിദേശകാര്യ മന്ത്രാലയമാണ് ഇക്കാര്യം അറിയിച്ചത്.
ജൂലൈ 21ന് കോൺസുലേറ്റ് അടക്കാനുള്ള ഉത്തരവ് ലഭിച്ചെന്ന് ചൈന അറിയിച്ചു. തീരുമാനം പുനഃപരിശോധിച്ചില്ലെങ്കിൽ തക്കതായ തിരിച്ചടി നൽകുമെന്നും ചൈന മുന്നറിയിപ്പ് നൽകി. നീതികരിക്കാനാവാത്ത യു.എസിെൻറ നടപടിയെ അപലപിക്കുന്നു. ഇത് യു.എസ്-ചൈന ബന്ധത്തെ മോശമാക്കും. യു.എസ് ഉടൻ തീരുമാനം പിൻവലിക്കണം. അല്ലെങ്കിൽ അവർക്ക് തക്കതായ തിരിച്ചടി നൽകുമെന്ന് ചൈനീസ് വിദേശകാര്യ മന്ത്രാലയം വക്താവ് വാങ് ബെൻബിൻ പറഞ്ഞു.
അമേരിക്കയുടെ ബൗദ്ധിക സ്വത്ത് സംരക്ഷിക്കുന്നതിനും ജനങ്ങളുടെ സ്വകാര്യത ഉറപ്പു വരുത്തുന്നതിനുമാണ് തീരുമാനമെന്നാണ്യു.എസിെൻറ പ്രതികരണം.
