ന്യുയോർക്ക്: ചെറുപ്പത്തിൽ ഇല്ലീഗലായി വന്ന കുട്ടികൾക്ക് ഇവിടെ നിയമാനുസൃതം താമസിക്കുവാൻ അനുവദിക്കുന്ന ഡിഫേർഡ് ആക്ഷൻ ഫോർ ചൈൽഡ് ഹുഡ് അറൈവൽസ് – ഡി.എ. സി.എ . കോടതി പുനഃസ്ഥാപിച്ചു. കുട്ടികൾക്ക് ഒബാമ ഭരണകൂടം നൽകിയിരുന്ന പരിരക്ഷ പൂർണ്ണമായും പുനഃസ്ഥാപിക്കുന്നുവെന്നാണ് ഡിസംബർ നാലിന് ന്യുയോർക്ക് ഫെഡറൽ ജഡ്ജി ഉത്തരവിൽ വ്യക്തമാക്കിയിരിക്കുന്നത്.
2017 ൽ ജൂലൈയിൽ ഡിപ്പാർട്ട്മെന്റ് ഹോംലാന്റ് സെക്യൂരിറ്റി ആക്ടിങ്ങ് സെക്രട്ടറി ചാഡ് വുൾഫ് ഡിഎസിഎ സസ്പെന്റ് ചെയ്തത്. ചാഡ് വുൾഫിന് ഇങ്ങനെ ഒരു ഉത്തരവ് ഇറക്കുന്നതിനുള്ള അധികാരവും ഇല്ലെന്ന് വിധിയിൽ പറയുന്നു. വെബ്സൈറ്റിൽ ഉത്തരവിന്റെ പൂർണ്ണരൂപം ഡിസംബർ ഏഴിന് തിങ്കളാഴ്ച പൊതുജനങ്ങൾക്കു കാണും വിധം പരസ്യപ്പെടുത്തണമെന്നും പുതിയ അപേക്ഷകൾ സ്വീകരിച്ചു തുടങ്ങണമെന്നും പഴയതുപോലെ രണ്ടു വർഷത്തെ വർക്ക് പെർമിറ്റ് പുതുക്കി നൽകണമെന്നും ഉത്തരവിൽ നിർദേശിച്ചിട്ടുണ്ട്.
