നാമം എക്സലൻസ് അവാർഡ്‌ : അപേക്ഷകൾ ക്ഷണിക്കുന്നു

വിനീത നായർ

വിവിധ മേഖലകളിൽ മികവ് തെളിയിച്ച പ്രഗത്ഭരെയാണ്  നാമം, എക്സലൻസ് അവാർഡുകൾ നല്കി ആദരിക്കുന്നത് . ന്യുജേഴ്‌സിയിലെ എഡിസനിലുള്ള  റോയൽ ആൽബെർട്ട് സ്‌  പാലസിൽ 2016   മാർച്ച്‌ 19 വൈകുന്നേരം 5 മണിക്ക് ആരംഭിക്കുന്ന അതീവ ഹൃദ്യമായ ചടങ്ങിൽ വെച്ചാണ്‌ അവാർഡ്‌ ദാനം.  തങ്ങളുടെ പ്രവർത്തന മേഖലകളിൽ അഭിമാനാർഹമായ നേട്ടങ്ങൾ കൈവരിക്കുകയും, സമൂഹത്തിന്റെ ഉന്നമനത്തിനായി പ്രവർത്തിക്കുകയും ചെയ്യുന്ന വ്യക്തികളിൽ നിന്നും അവാർഡിനായുളള  അപേക്ഷകൾ സ്വീകരിക്കുമെന്ന്  നാമം പ്രസിഡന്റ്‌  ഡോ. ഗീതേഷ്  തമ്പി അറിയിച്ചു.

അവാർഡിന്  അപേക്ഷിക്കാൻ താത്പര്യമുള്ളവരും, അവാർഡിനായി മറ്റുള്ളവരെ നോമിനേറ്റ് ചെയ്യുന്നവരും,  http://www.namam.org/ എന്ന വെബ്സൈറ്റ്  സന്ദർശിച്ച്  അപേക്ഷ ഫോം  പൂരിപ്പിക്കേണ്ടതാണ് . കൂടുതൽ വിശദാംശങ്ങൾ  ഈ വെബ്സൈറ്റിൽ ലഭ്യമാണ് .  ഫെബ്രുവരി 29  ആണ് അപേക്ഷകൾ അയക്കേണ്ട അവസാന തീയതി.