![grami-award-img](https://i0.wp.com/keralatimes.com/wp-content/uploads/2023/02/grami-award-img.gif?resize=600%2C361&ssl=1)
ലോസ് ആജ്ഞലീസ്: ഗ്രാമി അവാര്ഡ് ദാന ചടങ്ങില് ചരിത്രം കുറിച്ച് ഇന്ത്യന് ഗായകന് റിക്കി കെജ്. ഫെബ്രുവരി 6-ന് നടന്ന സംഗീത അവാര്ഡ് ദാനചടങ്ങിന്റെ 65-ാമത് പതിപ്പില് റിക്കി നേടുന്ന തന്റെ മൂന്നാമത്തെ ഗ്രാമിയാണ്. സ്കോട്ടിഷ് അമേരിക്കന് റോക്ക് ഗായകന് സ്റ്റുവര്ട്ട് കോംപ്ലാന്ഡിനൊപ്പം ഡിവൈന് ടൈഡ്സ് എന്ന ആല്ബത്തിനാണ് റിക്കി കെജിന് പുരസ്കാരം കിട്ടിയത്. മികച്ച ഇമ്മേഴ്സീവ് ഓഡിയോ ആല്ബത്തിനാണ് ഈ നേട്ടം.
ഇപ്പോഴിതാ, അദ്ദേഹം അവാര്ഡ് ഇന്ത്യക്ക് സമര്പ്പിക്കുകയും അവാര്ഡ് വീണ്ടും കരസ്ഥമാക്കുകയും രാജ്യത്തിന് അഭിമാനമാകുകയും ചെയ്യുന്നതിനെക്കുറിച്ച് അദ്ദേഹം ട്വീറ്ററില് കുറിച്ചു. കൂടാതെ, എന്റെ മൂന്നാമത്തെ ഗ്രാമി അവാര്ഡ് ഇപ്പോള് നേടി. അങ്ങേയറ്റം നന്ദിയുണ്ട്, എനിക്ക് സംസാരിശേഷിയില്ല! ഞാന് ഈ അവാര്ഡ് ഇന്ത്യക്ക് സമര്പ്പിക്കുന്നു, എന്നും കുറിച്ചു.
തീര്ച്ചയായും ഇത് രാജ്യത്തിന് അഭിമാനകരമായ നിമിഷമാണ്, അഭിനന്ദനങ്ങള് സാര് ബോളിവുഡ് നടി കങ്കണ റണാവത്ത് റിക്കി കെജിന്റെ ട്വീറ്റര് പോസ്റ്റില് കുറിച്ചു.
സ്റ്റുവര്ട്ട് കോംപ്ലാന്ഡിനൊപ്പം 2015ലാണ് റിക്കി കെജ് ആദ്യ ഗ്രാമി നേടുന്നത്. 2015ല് വിന്ഡ്സ് ഓഫ് സംസാര എന്ന ആല്ബമാണ് പുരസ്കാരത്തിന് അര്ഹമായത്. കൂടാതെ, 2022ലെ 64-ാമത് മികച്ച ന്യൂ എജ് വിഭാഗത്തിലായിരുന്നു രണ്ടാമത്തെ പുരസ്കാരം ലഭിച്ചത്.