മസ്കത്ത്: ഒമാനിൽ വ്യാഴാഴ്ച കോവിഡ് സ്ഥിരീകരിച്ചത് 1366 പേർക്ക്. തുടർച്ചയായ നാലാം ദിവസമാണ് രോഗികളുടെ എണ്ണം ആയിരത്തിന് മുകളിലെത്തുന്നത്. ഇതോടെ രാജ്യത്തെ മൊത്തം കോവിഡ് രോഗ ബാധിതരുടെ എണ്ണം 34902 ആയി. 3835 പേർക്കാണ് രോഗപരിശോധന നടത്തിയത്. പുതിയ രോഗികളിൽ 686 പേർ പ്രവാസികളും 680 പേർ സ്വദേശികളുമാണ്. 548 പേർക്ക് കൂടി കോവിഡ് ഭേദമായിട്ടുണ്ട്. ഇതോടെ രോഗമുക്തരായവരുടെ എണ്ണം 18520 ആയി. രണ്ടുപേർ കൂടി മരണപ്പെട്ടതോടെ മരണസംഖ്യ 144 ആയി ഉയരുകയും ചെയ്തു. 16238 പേരാണ് നിലവിൽ അസുഖബാധിതരായിട്ടുള്ളത്. 40 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 417 ആയി. ഇതിൽ 107 പേർ തീവ്ര പരിചരണ വിഭാഗത്തിലാണുള്ളത്.
പുതിയ രോഗികളിൽ 751 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതരുടെ എണ്ണം 24173 ആയി. 13206 പേർക്കാണ് ഇവിടെ അസുഖം ഭേദമായത്. മരണപ്പെട്ടതിൽ 104 പേരും മസ്കത്തിൽ ചികിത്സയിലിരുന്നവരാണ്. ബോഷർ വിലായത്തിലാണ് ഇന്ന് കൂടുതൽ രോഗികൾ. 283പുതിയ കേസുകളാണ് ഇവിടെ റിപ്പോർട്ട് ചെയ്തത്. സീബും മത്രയുമാണ് രണ്ടും മൂന്നും സ്ഥാനങ്ങളിൽ. വിവിധ വിലായത്തുകളിലെ അസുഖ ബാധിതർ, സുഖപ്പെട്ടവർ, പുതിയ രോഗികൾ എന്നിവർ ചുവടെ;
1. മസ്കത്ത് ഗവർണറേറ്റ്: മത്ര-6868, 4775,134; മസ്കത്ത് -647,548,46; ബോഷർ-6650, 3076,283; അമിറാത്ത്-1331,621,57; സീബ് -8412,4077, 224; ഖുറിയാത്ത്-266,109,5.
2. വടക്കൻ ബാത്തിന: സുവൈഖ് -687,360,42; ഖാബൂറ-214,105,14; സഹം-464,247,38; സുഹാർ -992,531,71; ലിവ -262,173,25; ഷിനാസ് -242,173,11.
3. തെക്കൻ ബാത്തിന: ബർക്ക-1290,585,94; വാദി മആവിൽ- 111,66,6; മുസന്ന-517,287,24; നഖൽ -134,73,5; അവാബി- 137,95,1; റുസ്താഖ് -492,185,41.
4. ദാഖിലിയ: നിസ്വ-345,166,20; സമാഇൽ-363,176,28; ബിഡ്ബിദ്-232,114,4; ഇസ്കി -169,110,3; മന-56,10,8; ഹംറ-59,17,1; ബഹ്ല -137,65,3; ആദം-74,68,1.
5. അൽ വുസ്ത: ഹൈമ-49,37,1; ദുകം -1080,398,9; അൽ ജാസിർ-21,0, 9,.
6. തെക്കൻ ശർഖിയ: ബുആലി-415,309,12; ബുഹസൻ-37,24,1; സൂർ-219,103,5; അൽ കാമിൽ -79,46,1; മസീറ-2,1,0.
7. വടക്കൻ ശർഖിയ: ഇബ്ര- 101,44,2; അൽ ഖാബിൽ-34,11,1; ബിദിയ -67,28,4; മുദൈബി -294,138,19; ദമാ വതായിൻ-71,27,0; വാദി ബനീ ഖാലിദ് -18,6,0.
8. ദോഫാർ: സലാല- 456,131,67; മസ്യൂന-27,3,7; ഷാലിം-21,7,3; മിർബാത്ത്-3,0,0; തഖാ-2,0,0; തുംറൈത്ത്-5,0,2; റഖിയൂത്ത് -3,0,3; ദൽഖൂത്ത്-1,0,1.
9. ബുറൈമി: ബുറൈമി -372,188,22; മഹ്ദ-8,8,0.
10. ദാഹിറ: ഇബ്രി- 277,146,4; ദങ്ക്-30, 23,0; യൻകൽ -46,21,4.
11. മുസന്ദം: ഖസബ് -10,7,1; ദിബ്ബ-3,1,0; ബുക്ക -1,1,0.