ന്യൂഡല്ഹി: കാര്ഷിക നിയമങ്ങള്ക്കെതിരെ സമരം നടത്തുന്ന കർഷകരുമായി നാളെ നടത്താനിരുന്ന ചർച്ച കേന്ദ്രസർക്കാർ ബുധനാഴ്ചയിലേക്ക് മാറ്റി. ഡിസംബര് 30ന് ഉച്ചയ്ക്ക് ഡല്ഹിയിലെ വിജ്ഞാന്ഭവനിൽ ചർച്ച നടത്താമെന്നാണ് കേന്ദ്രസർക്കാർ അറിയിച്ചിരിക്കുന്നത്.29ന് ചര്ച്ച നടത്താമെന്ന് കര്ഷകര് നേരത്തെ കേന്ദ്രത്തെ അറിയിച്ചിരുന്നെങ്കിലും ഇതിനോട് കേന്ദ്രം പ്രതികരിച്ചിരുന്നില്ല. ആറാംവട്ട ചര്ച്ചയാണ് ബുധനാഴ്ച നടക്കുക.തുറന്ന മനസ്സോടെ കര്ഷകരുടെ പ്രശ്നങ്ങള് പരിഹരിക്കാന് സര്ക്കാര് പ്രതിജ്ഞാബദ്ധമാണെന്ന് കേന്ദ്ര കൃഷിമന്ത്രി നരേന്ദ്രസിങ് തോമര് പറഞ്ഞു..അതേസമയം കാര്ഷിക നിയമങ്ങള്ക്കെതിരെ കര്ഷകര് നടത്തുന്ന സമരം 33-ാം ദിവസം പിന്നിട്ടു.കാര്ഷിക നിയമങ്ങള് പിന്വലിക്കുന്നതുവരെ സമരവുമായി മുന്നോട്ടുപോവാനാണ് കര്ഷക സംഘടനകളുടെ തീരുമാനം.