തിരുവനന്തപുരം: രാജ്യത്ത് ഇന്ധന വില ഇന്നും കൂട്ടി. ഒരു ലിറ്റർ ഡീസലിന് 52 പൈസയും പെട്രോളിന് 19 പൈസയുമാണ് കൂട്ടിയത്. തുടര്ച്ചയായ 17ാം ദിവസമാണ് ഇന്ധനവില കൂട്ടുന്നത്. 17 ദിവസം കൊണ്ട് ഒരു ലിറ്റർ ഡീസലിന് 9 രൂപ 50 പൈസയും പെട്രോളിന് 8 രൂപ 52 പൈസയും വര്ധിപ്പിച്ചു. രാജ്യത്തെ മിക്ക നഗരങ്ങളിലും പെട്രോള് വില 80 കടന്നു.
നിലവില് കൊച്ചിയിൽ 80.02 രൂപയാണ് കൊച്ചിയില് ഒരു ലിറ്റര് പെട്രോളിന്റെ വില. ഡീസല് വില 75.17 രൂപയിലുമെത്തി. രാജ്യാന്തര വിപണിയില് ക്രൂഡ് ഓയിലിന് വില ഇടിയുമ്പോഴും എണ്ണ കമ്പനികള് ഇന്ധന വിലകൂട്ടി ജനങ്ങള്ക്ക് ഇരുട്ടടി നല്കുകയാണ്. കേന്ദ്ര സര്ക്കാര് എക്സൈസ് തീരുവ കൂട്ടിയതാണ് വിലവര്ധനവിന് എണ്ണകമ്പനികള് പറയുന്ന ന്യായം. ഈ മാസം മുപ്പതാം തിയ്യതി വരെ വില വര്ധനവ് തുടരുമെന്നാണ് റിപ്പോര്ട്ടുകള്.