പിണറായി ഭരണത്തിന് ജനങ്ങളുടെ ഗ്രീൻ സിഗ്നൽ 

പ്രളയകാലത്ത്‌ സഹായം തേടുന്നത് വിലക്കാന്‍ ബിജെപി മുന്നിട്ടിറങ്ങിയപ്പോള്‍, സലറി ചലഞ്ചിനെതിരെ യുഡിഎഫ്‌ രംഗത്തുവന്നു. സർക്കാരിന്റെ കോവിഡ്‌ പ്രതിരോധം ലോകശ്രദ്ധ നേടിയപ്പോൾ സ്‌പ്രിങ്ക്‌ളറിന്റെ പേരില്‍ പ്രതിപക്ഷം പൊയ്‌വെടി പൊട്ടിച്ചു. തുടർന്നിങ്ങോട്ട്‌ നുണകളുടെ മലവെള്ളപ്പാച്ചിലായി. സ്വർണക്കടത്തിന്റെ പേരില്‍ സർക്കാരിനെ വേട്ടയാടി. പാവപ്പെട്ടവര്‍ക്ക്‌ കിടപ്പാടം ഒരുക്കുന്ന ലൈഫ്‌ പദ്ധതി മൊത്തം അഴിമതിയെന്ന് പ്രചരിപ്പിച്ചു.സെക്രട്ടറിയറ്റിലുണ്ടായ തീപിടിത്തംപോലും മുഖ്യമന്ത്രിയുടെ ഗൂഢാലോചനയായി ചിത്രീകരിക്കപ്പെട്ടു.

എൽഡിഎഫ്‌ ഇതുവരെ നേരിടാത്ത, വിമോചനസമരകാലത്ത്‌ കമ്യൂണിസ്റ്റ്‌ സർക്കാർ നേരിട്ടതിനു സമാനമായ കടന്നാക്രമണങ്ങളെ അതിജീവിച്ചു നേടിയ വിജയമായതുകൊണ്ടുതന്നെ ഇത്‌ ഐതിഹാസികമെന്ന വിശേഷണം അർഹിക്കുന്നു. രാഷ്ട്രീയമായ പോരാട്ടത്തിനു തയ്യാറാകാതെ അന്വേഷണ ഏജൻസികളെ ഉപയോഗിച്ച്‌ ‌രാഷ്ട്രീയപിന്തുണ നേടാനുള്ള ബിജെപിയുടെയും അതിനെ പിന്തുണച്ച യുഡിഎഫിന്റെയും മുഖമടച്ചുള്ള അടിയാണ്‌ ജനവിധി. ജനങ്ങൾ ഇത്തരം അപവാദപ്രചാരകർക്കൊപ്പമല്ല, മറിച്ച്‌ എല്ലാ പ്രതിസന്ധിയിലും വെല്ലുവിളികളിലും അവർക്കൊപ്പം നിന്ന എൽഡിഎഫിനും പിണറായി വിജയൻ സർക്കാരിനൊപ്പമാണെന്ന്‌‌ ഈ വിജയം വ്യക്തമാക്കുന്നു. കേരളത്തിൽ ഒരു പഞ്ചായത്തുപോലും തങ്ങളുടെ പിന്തുണയോടെ ബിജെപി ഭരിക്കില്ലെന്ന് തുറന്നു പ്രഖ്യാപിക്കാനുള്ള ധൈര്യം കോൺഗ്രസ് നേതാക്കൾ കാണിക്കുമോ?

തനിച്ചു ഭരിക്കാൻ ഭൂരിപക്ഷം  ലഭിക്കാത്ത അത്തരം പഞ്ചായത്തുകളിൽ എങ്ങനെയാവും അവർ ഭൂരിപക്ഷം തരപ്പെടുത്തുക? ആ കളിയിൽ എന്തായിരിക്കും കോൺഗ്രസിന്റെ റോൾ? ഇടതുപക്ഷ തരംഗം എന്നെല്ലാവരും പറയാൻ കാരണമെന്താണ്? ലോകസഭാ തിരഞ്ഞെടുപ്പിലെ തിരിച്ചടിയും  കഴിഞ്ഞ ആറുമാസത്തെ മാധ്യമങ്ങളിലൂടെ ദിനം തോറും നടന്ന പ്രചാരണഘോഷങ്ങളും മൂലം ഇടതുപക്ഷം തകർന്നടിഞ്ഞു എന്നല്ലേ കോൺഗ്രസും ബിജെപിയും ധരിച്ചത്? 2019ലെ തിരിച്ചടിയിൽ നിന്ന് കരകയറുകയും അരങ്ങേറിയ ദുഷ്പ്രചരണത്തെ പൂർണമായും അതി ജീവിക്കുകയും ചെയ്തു.

ഇത്തവണത്തെ വിധി ഇങ്ങനെയാക്കിയതില്‍ അവര്‍ക്കുള്ള പങ്ക് വളരെ വലുത്.പണ്ടൊക്കെ ആളുകളെ കൂട്ടുകയായിരുന്നു  .  മനുഷ്യച്ചങ്ങല, മനുഷ്യമതില്‍ എന്നൊക്കെ പറഞ്ഞ് ആ സംഘം അവിശ്വസനീയമായ വിധത്തില്‍ , അപാരസംഘടനാമികവോടെ മനുഷ്യരെ നിരത്തി നിര്‍ത്തുമായിരുന്നു.എത്ര പേരെ വേണമെങ്കിലും ഒരിടത്ത് നിരത്തി നിർത്തുമായിരുന്നു . കാലം മാറിയല്ലോ,ആള്‍ക്കൂട്ടത്തിന്റെ കാലം കഴിഞ്ഞ പോലെയായി.  

 

നൂറ് കൊല്ലത്തിനിടയിലെ പ്രളയവും, ജീവിച്ചിരിക്കുന്ന ഒരാളും നേരത്തെ കണ്ടിട്ടില്ലാത്ത കോവിഡുമൊക്കെ  വന്നല്ലോ.അവര്‍ ഇന്ന്  കാലം ആവശ്യപ്പെടുന്ന വിധത്തില്‍  ഓടിയെത്തി .ഒറ്റക്കും രണ്ടായിട്ടും കാണുന്നത്. ഒരു ബൈക്കിലോടുന്ന ഒന്നോ രണ്ടോ പേരായി പിരിഞ്ഞിട്ട് അവര്‍ നാട്ടിലാകെ പരന്ന പോലെയായി. അവരുടെ ബൈക്കുകളും ചെറിയ വാഹനങ്ങളും ഓടി  , മനുഷ്യര്‍ കുടുങ്ങിപ്പോയ വീടുകളുടെ ഗേറ്റുകള്‍ക്ക് മുന്നില്‍ ചെന്ന് നിന്നു.  ഗേറ്റില്‍ ചെന്ന് നിന്ന് വിളിച്ചു, പൊതിച്ചോറും മരുന്നും  മെഡിക്കൽ കോളേജുകളിൽ കൊണ്ട് ചെന്ന് കൊടുത്തു.പ്രളയത്തെ കടക്കാന്‍ പണത്തിന്  ആക്രി പെറുക്കുന്നത് പോലും കണ്ടു.

 

പഴയ പത്രകടലാസു സമാഹിരിച്ചു തൂക്കി വിറ്റത് പാവപെട്ട മനുഷ്യർക്കു വേണ്ടിയായിരുന്നു . വാര്‍ത്ത വരാന്‍ കാത്ത് നിന്നില്ല.എന്ന് മാത്രമല്ല, ഇന്നയാളാണ് ഞാനെന്ന് കാട്ടി അഭിനന്ദനം വാങ്ങാന്‍ മുഖത്തെ മാസ്‌ക് പോലും മാറ്റിക്കാണിച്ചില്ല അതുകൊണ്ടു തന്നെ അവരെ നമസ്കരിക്കുന്നു .അതിനിടയിൽ അവരിൽ അഞ്ചു ചെറുപ്പകാരെ കോൺഗ്രെസ്സുകാരും ആർ എസ് എസ് കാരും കൊന്നു തള്ളി എന്നിട്ടും അവർ പ്രതികരിച്ചില്ല ..