കണ്ണൂര്‍: ധര്‍മടം മണ്ഡലത്തില്‍ ഡിസിസി സെക്രട്ടറി സി. രഘുനാഥ് യുഡിഎഫ് സ്ഥാനാർഥിയായി പത്രിക നൽകി. യുഡിഎഫ് ഔദ്യോഗിക പ്രഖ്യാപനം വരും മുൻന്പെയാണ് പത്രിക നൽകിയത്. സ്ഥാനാർഥിയാണെന്ന് ഉറപ്പ് കിട്ടിയെന്ന് രഘുനാഥ് പറഞ്ഞു.
മുഖ്യമന്ത്രി പിണറായി വിജയനാണ് എൽഡിഎഫ് സ്ഥാനാർഥി. വാളയാര്‍ പെണ്‍കുട്ടികളുടെ അമ്മയും ധര്‍മടത്ത് സ്വതന്ത്ര സ്ഥാനാര്‍ഥിയായി മത്സരിക്കുന്നുണ്ട്. ബിജെപി സ്ഥാനാര്‍ഥിയായി സി.കെ. പദ്മനാഭനും രംഗത്തുണ്ട്.
കെ. സുധാകരന്‍ മത്സരിക്കുമെന്ന് അഭ്യൂഹങ്ങള്‍ ഉയര്‍ന്നിരുന്നുവെങ്കിലും താന്‍ മത്സരത്തിനില്ലെന്ന് സുധാകരന്‍ വ്യക്തമാക്കിയിരുന്നു.
