ഹരിപ്പാട്: ആറ്റിൽ കുളിക്കാൻ ഇറങ്ങിയ മൂന്ന് യുവാക്കൾ മുങ്ങി മരിച്ചു. കരുനാഗപ്പള്ളി പന്മന സ്വദേശികളായ കീപ്പള്ളിൽ രാജേന്ദ്രൻപിള്ളയുടെ മകൻ ശ്രീജിത്ത്(24), പന്മന തറയിൽ പുത്തൻവീട്ടിൽ അലിയാരുകുഞ്ഞിന്റെ മകൻ അനീഷ്(26), പന്മന മാവേലി പരിയാരത്ത് പുത്തൻവീട്ടിൽ കമറുദ്ദീന്റെ മകൻ സജ്ജാദ് (25) എന്നിവരാണ് മരിച്ചത്.
വീയപുരം അമ്പലക്കടവിൽ ഞായറാഴ്ച വൈകുന്നേരം മൂന്നോടെയായിരുന്നു അപകടം. സുഹൃത്തുക്കളായ അഞ്ച് പേരാണ് കടവിൽ കുളിക്കാനായി എത്തിയത്. ഇതിൽ ഒരാൾ വെള്ളത്തിൽ മുങ്ങുന്നതുകണ്ട് രക്ഷിക്കാനായി ശ്രമിക്കുന്നതിനിടയിലാണ് മറ്റു രണ്ടു പേർ അപകടത്തിൽപ്പെട്ടത്.