കൊച്ചി : കൊച്ചിയില് കോൺഗ്രസ് സമരത്തിനിടെ നടൻ ജോജുവിനെതിരെയുണ്ടായ ആക്രമണത്തിൽ മുൻ മേയർ ടോണി ചമ്മണി അടക്കം എഴുകോൺഗ്രസ് നേതാക്കൾക്കെതിരെ പൊലീസ് കേസെടുത്തു. ജാമ്യമില്ലാകുറ്റം ചുമത്തിയാണ് കേസെടുത്തിരിക്കുന്നത്.
ചമ്മിണി ഉള്പ്പെടുന്ന സംഘം വാഹനം തടഞ്ഞു. ജോജുവിന്റെ ഷര്ട്ടിന് കുത്തിപ്പിടിച്ച് അസഭ്യം പറഞ്ഞു. വാഹനത്തിന്റെ ചില്ല് കല്ലുകൊണ്ട് ഇടിച്ചുതകര്ത്തുവെന്നും എഫ്.ഐ.ആര് പറയുന്നു. പൊലീസ് കണക്കുകൂട്ടല് പ്രകാരം ആറ് ലക്ഷം രൂപയുടെ നഷ്ടമാണ് വാഹനത്തിനുണ്ടായത്. പൊതുമുതല് നശിപ്പിക്കല് തുടങ്ങിയ ഗുരുതരമായ വകുപ്പുകള് പ്രകാരമാണ് കേസ്.ടോണി ചമ്മിണിയുടെ നേതൃത്വത്തിലുളള ഏഴംഗസംഘം കാര് തടഞ്ഞുനിര്ത്തി അക്രമിക്കുകയായിരുന്നു
ദിനംപ്രതിയെന്നോണം ഇന്ധനവില കുതിച്ചുയരുന്ന പശ്ചാത്തലത്തിലാണ് ദേശീയ പാത ഉപരോധിക്കാന് കോണ്ഗ്രസ് തീരുമാനിച്ചത്. ഇതിനെ തുടര്ന്ന് ദേശീയ പാതയില് ഇടപ്പള്ളി മുതല് വൈറ്റില വരെയുള്ള ഭാഗത്ത് വാഹനഗതാഗതം സ്തംഭിച്ചിരുന്നു. ഗതാഗതകുരുക്ക് രൂക്ഷമായതോടെ വാഹനങ്ങളുടെ നീണ്ട നിരയാണ് പ്രത്യക്ഷപ്പെട്ടത്. ഇതില് കുടുങ്ങിയതോടെയാണ് ജോജു പ്രതിഷേധവുമായി രംഗത്തുവന്നത്. ജോജുവിനെതിരെ കോണ്ഗ്രസ് പ്രവര്ത്തകര് രംഗത്തെത്തിയതോടെ നടുറോഡില് രൂക്ഷമായ വാക്കുതര്ക്കമാണ് ഉണ്ടായത്.