ഇപ്പോൾ നിങ്ങളുടെ ഹെൽമെറ്റിനൊപ്പം അപകട ഇൻഷുറൻസ് പരിരക്ഷ നേടൂ; റോഡ് സുരക്ഷാ അവബോധം വർധിപ്പിക്കുന്നതിനായി ഐസിഐസിഐ ലോംബാർഡ് വേഗ ഹെൽമെറ്റുമായി കൈകോർക്കുന്നു

• വ്യക്തിഗത അപകട ഇൻഷുറൻസ് പോളിസി 1 ലക്ഷം ഇൻഷ്വർ ചെയ്ത തുകയ്‌ക്കൊപ്പം അപകട മരണത്തിന്റെ ആനുകൂല്യം വ്യക്തികൾക്ക് നൽകും.

മുംബൈ: കോവിട് മഹാമാരി മൂലമുണ്ടായ ലോക്ക്ഡൗണുകൾ സാവധാനത്തിൽ എടുത്തുകളയുകയും ജനം സാധാരണ നിലയിലേക്ക് പോകുകയും ചെയ്യുമ്പോഴും ആളുകൾക്ക് അവരുടെ ഇഷ്ടപ്പെട്ട യാത്രാമാർഗ്ഗമായി പൊതുഗതാഗതത്തിലേക്ക് മടങ്ങാൻ ഇപ്പോഴും മടിയാണ്. YouGov-ന്റെ ഇന്റർനാഷണൽ ഓട്ടോമോട്ടീവ് റിപ്പോർട്ട് 2021 അനുസരിച്ച് പൊതുഗതാഗതം ഉപയോഗിക്കാനുള്ള ഉദ്ദേശ്യം ലോകമെമ്പാടുമുള്ള നഗരത്തിൽ ജീവിക്കുന്ന ഇന്ത്യക്കാർക്കിടയിൽ ഏറ്റവും താഴ്ന്ന ഒന്നാണ്. ഭാവിയിൽ പൊതുഗതാഗതം കുറച്ച് മാത്രമേ ഉപയോഗിക്കുമെന്ന് പകുതിയോളം പേർ (49%) അഭിപ്രായപ്പെടുന്നു. വ്യക്തിഗത മൊബിലിറ്റിയുടെ ആവശ്യം പലമടങ്ങ് വർദ്ധിച്ചു എന്ന് മാത്രമല്ല ഇത് കൂടുതൽ ഇരുചക്രവാഹനങ്ങൾ വാങ്ങാൻ പൊതുജനങ്ങളെ പ്രോത്സാഹിപ്പിക്കുമെന്ന് കണക്കാക്കപ്പെടുന്നു. ഇന്ത്യയിലെ ഉയർന്ന റോഡ് അപകട സ്ഥിതിവിവരക്കണക്കുമായി ചേർന്ന് വർദ്ധിച്ചുവരുന്ന ഇരുചക്രവാഹന യാത്രക്കാരുടെ എണ്ണം വളർന്നുവരുന്ന സുരക്ഷാ അപകടം സൂചിപ്പിക്കുന്നതാണ്. ഈ പുതിയ വർധിച്ച അപകടസാധ്യത കണക്കിലെടുത്ത് റോഡ് സുരക്ഷാ അവബോധം വർദ്ധിപ്പിക്കുന്നതിനും സംരക്ഷണ ശീലം വളർത്തിയെടുക്കുന്നതിനുമായി വേഗ ഹെൽമെറ്റിന്റെ ഓരോ ഓൺലൈൻ പർച്ചേസിനും വ്യക്തിഗത ആക്‌സിഡന്റൽ പോളിസി നൽകാൻ ഐസിഐസിഐ ലോംബാർഡ് ജനറൽ ഇൻഷുറൻസ് കമ്പനി വേഗ ഹെൽമെറ്റുമായി സഹകരിച്ചു പ്രവർത്തനം ആരംഭിച്ചു.

ഹെൽമെറ്റിലൂടെയും വ്യക്തിഗത അപകട ഇൻഷുറൻസ് പരിരക്ഷയിലൂടെയും ഉപഭോക്താവിന് ഇരട്ട സുരക്ഷയും സംരക്ഷണവും നൽകുക എന്നതാണ് ഇതിലൂടെ ലക്ഷ്യമിടുന്നത്. വ്യക്തിഗത അപകട ഇൻഷുറൻസ് പരിരക്ഷ ഒരു ലക്ഷം രൂപ ഇൻഷ്വർ ചെയ്ത തുകയ്‌ക്കൊപ്പം അപകട മരണത്തിന്റെ ആനുകൂല്യം നൽകുന്നു. കൂടാതെ ഇൻഷുറൻസ് കവർ ലോകമെമ്പാടും ബാധകമാണ്.

ഈ സഹകരണത്തെക്കുറിച്ച് സംസാരിക്കവെ ഐസിഐസിഐ ലോംബാർഡിന്റെ എക്‌സിക്യൂട്ടീവ് ഡയറക്ടർ സഞ്ജീവ് മന്ത്രി പറഞ്ഞു, “ഇന്നത്തെ എണ്ണമറ്റ അനിശ്ചിതത്വങ്ങളുടെ ലോകത്ത് ഒരു ഇൻഷുറൻസ് പരിരക്ഷ എന്നത്തേക്കാളും വലിയ പ്രാധാന്യം കൈവരിച്ചിരിക്കുന്നു. ഒരു വ്യക്തിഗത ആക്‌സിഡന്റ് കവർ ഈ കൃത്യമായ വികാരം ഉൾക്കൊള്ളുന്നു. കൂടാതെ ഒരു അനിഷ്ട സംഭവമുണ്ടായാൽ ഇൻഷ്വർ ചെയ്തവർക്കും അവരുടെ പ്രിയപ്പെട്ടവർക്കും ഒരു സാമ്പത്തിക സുരക്ഷാ സംവിധാനം നൽകുന്നു. കൂടാതെ ഐസിഐസിഐ ലോംബാർഡ് എല്ലായ്പ്പോഴും റോഡ് സുരക്ഷയുടെ ശക്തമായ പിന്തുണക്കാരാണ്. സുരക്ഷാ നിയമങ്ങളെക്കുറിച്ച് അവബോധം സൃഷ്ടിക്കാൻ ലക്ഷ്യമിട്ടുള്ള ഞങ്ങളുടെ ‘റൈഡ് ടു സേഫ്റ്റി’ സംരംഭത്തിന് കീഴിൽ നിരവധി പ്രവർത്തനങ്ങൾ ഏറ്റെടുത്തിട്ടുണ്ട്. ഈ സ്പിരിറ്റ് മുന്നോട്ട് കൊണ്ടുപോകുമ്പോൾ ഒരു വ്യക്തിയുടെ വ്യക്തിഗത സുരക്ഷ ഉറപ്പാക്കുന്നതിന് ഈ ബന്ധം നമ്മെ ഒരു പടി കൂടി അടുപ്പിക്കുന്നു.”

പുതിയ സഹകരണത്തെ കുറിച്ചു സംസാരിക്കവെ വേഗ ഹെൽമെറ്റ്‌സ് എംഡി ശ്രീ ഗിർധാരി ചന്ദക് പറഞ്ഞു, “നിരവധി ബൈക്ക് യാത്രികർക്കും ഇരുചക്രവാഹന യാത്രക്കാർക്കും മൂന്ന് പതിറ്റാണ്ടിലേറെയായി സുരക്ഷയും ഗുണനിലവാരവും പ്രദാനം ചെയ്യുന്ന കമ്പനിയാണ് വേഗ. ഐസിഐസിഐ ലോംബാർഡ് ജനറൽ ഇൻഷുറൻസുമായുള്ള ഞങ്ങളുടെ ടൈ-അപ്പിലൂടെ റൈഡർമാരുടെ ശാരീരികവും സാമ്പത്തികവുമായ ക്ഷേമം സംരക്ഷിക്കാനും അവർക്ക് സമഗ്രവും സുസ്ഥിരവുമായ സംരക്ഷണം നൽകാനും കഴിയുന്നതിൽ ഞങ്ങൾക്ക് സന്തോഷമുണ്ട്.”

ഐസിഐസിഐ ലോംബാർഡ് എല്ലായ്‌പ്പോഴും അതിന്റെ ബിസിനസ് ഫോക്കസിന് അപ്പുറത്തേക്ക് പോകാനും സമൂഹം ഉൾപ്പെടെ എല്ലാ പങ്കാളികളുടെയും ക്ഷേമത്തിന് സംഭാവന നൽകാനും ശ്രമിച്ചിട്ടുണ്ട്. ഐസിഐസിഐ ലോംബാർഡിന്റെ റൈഡ് ടു സേഫ്റ്റി കാമ്പെയ്‌ൻ പ്രത്യേകിച്ച് കുട്ടികൾക്കും രക്ഷിതാക്കൾക്കുമിടയിൽ ഒരു പ്രവർത്തന-അധിഷ്ഠിത റോഡ് സുരക്ഷാ പരിപാടി സൃഷ്ടിക്കുന്നതിനുള്ള രാജ്യവ്യാപകമായ സംരംഭമാണ്. 2016 മുതൽ ഇന്ത്യയിലുടനീളമുള്ള മെട്രോകളിലും മറ്റ് പ്രധാന നഗരങ്ങളിലും 700-ലധികം റോഡ് സുരക്ഷാ ശിൽപശാലകൾ നടന്നിട്ടുണ്ട്. ഇത് 200,000-ൽ കൂടുതൽ കുട്ടികൾക്കും അവരുടെ രക്ഷിതാക്കൾക്കും അവബോധം നൽകി. കൂടാതെ പരിശീലനത്തിന്റെ ഭാഗമായി 1,30,000-ലധികം കുട്ടികൾക്കും അവരുടെ രക്ഷിതാക്കൾക്കും ISI അടയാളപ്പെടുത്തിയ കുട്ടികൾക്കുള്ള പ്രത്യേക ഹെൽമെറ്റുകൾ ലഭിച്ചിട്ടുണ്ട്. റോഡ്-സുരക്ഷാ ഗാനത്തിന്റെ സമീപകാല സമാരംഭം സംരംഭത്തിന്റെ ദൃഢനിശ്ചയത്തെ കൂടുതൽ ശക്തിപ്പെടുത്തുകയും അതുല്യവും ഹൃദ്യവുമായ രീതിയിൽ ജനങ്ങളുമായി പ്രതിധ്വനിക്കാൻ അതിനെ പ്രാപ്തമാക്കുകയും ചെയ്യുന്നു.