കൊച്ചി: ഇന്ധനവില ബുധനാഴ്ചയും വർധിക്കും. ഒരു ലിറ്റർ പെട്രോളിന് 90 പൈസയും ഡീസലിന് 84 പൈസയും വർധിക്കും. ഇതോടെ കൊച്ചിയിൽ ഒരു ലിറ്റർ പെട്രോളിന് 105.94 രൂപയും ഡീസലിന് 93.11 രൂപയുമാകും. വർധന ചൊവ്വാഴ്ച രാവിലെ മുതൽ പ്രാബല്യത്തിൽ വരും.
ഇന്ന് കൊച്ചിയിൽ പെട്രോളിന് 105.04 രൂപയും ഡീസലിന് 92.27 രൂപയുമാണ് വില. 138 ദിവസത്തിന് ശേഷം ചൊവ്വാഴ്ച ഇന്ധന വില വർധിച്ചിരുന്നു. പെട്രോൾ ലിറ്ററിന് 88 പൈസയും ഡീസലിന് 85 പൈസയുമാണ് ഇന്ന് കൂട്ടിയത്.
യുക്രെയ്ൻ- റഷ്യ യുദ്ധത്തെ തുടർന്ന് ആഗോള വിപണിയില് എണ്ണവില ഉയര്ന്നതോടെയാണ് ഇന്ധനവില ഉയരുന്ന സാഹചര്യമുണ്ടായിരിക്കുന്നത്. അഞ്ചു സംസ്ഥാനങ്ങളിലെ നിയമസഭ തെരഞ്ഞെടുപ്പിന്റെ പശ്ചാത്തലത്തിൽ മാസങ്ങളോളം രാജ്യത്ത് ഇന്ധനവില മാറ്റമില്ലാതെ തുടർന്നിരുന്നു.