ഗാംഗ്‌ടോക്ക്: സിക്കിമില്‍ ട്രക്ക് മറിഞ്ഞ് മരിച്ച സൈനികരിൽ മലയാളിയും. പാലക്കാട് മാത്തൂർ ചെങ്ങണിയൂർക്കാവ് സ്വദേശി വൈശാഖ് (28) ആണ് മരിച്ചത്. 221 കരസേന റജിമെന്‍റിലെ നായിക് ആയിരുന്നു. നാല് വർഷം മുൻപാണ് വൈശാഖ് സൈന്യത്തിൽ ചേർന്നത്.
മൂന്ന് ഓഫീസര്‍മാര്‍ ഉള്‍പ്പെടെ 16 സൈനികരാണ് അപകടത്തിൽ മരിച്ചത്. നോര്‍ത്ത് സിക്കിമിലെ സെമയിലാണ് അപകടമുണ്ടായത്. താംഗുവിലേക്ക് പോയ ട്രക്ക് മലയിടുക്കിലേക്ക് മറിയുകയാ യിരുന്നു. പരിക്കേറ്റ നാലുപേരെ ഹെലിക്കോപ്റ്ററില്‍ ആശുപത്രിയിലേക്ക് മാറ്റി.
