കൊല്ലം: ഡോക്ടര്‍ വന്ദന ദാസിനെ കൊന്ന പ്രതി സന്ദീപ് ആദ്യം കുത്തിവീഴ്ത്തിയത് ബിനു എന്ന യുവാവിനെ. അക്രമത്തില്‍ കഴുത്തിനും വാരിയെല്ലിനും ഗുരുതര പരിക്കേറ്റ ഇദ്ദേഹം ചികിത്‌സയിലാണ്.
ലഹരിക്കടിമയായ പ്രതിയെ ആശുപത്രിയിലെത്തിക്കാനായി പോലീസെത്തിയത് പുലര്‍ച്ചെ മൂന്നിനായിരുന്നു. പ്രതിയുടെ കൂടെ പോകാന്‍ ആരും തയാറാകാതിരുന്ന അവസ്ഥയില്‍ ബിനു മുന്നോട്ടുവരികയായിരുന്നു.
സിപിഎം കൊട്ടാരക്കര ലോക്കല്‍ കമ്മിറ്റി അംഗമായ ബിനു നാട്ടുകാര്‍ക്കായി ഏത് കാര്യത്തിനും മുന്നിട്ടിറങ്ങുന്ന ആളാണ്. പോലീസിനൊപ്പം പ്രതിയുമായി താലുക്ക് ആശുപത്രിയിലേക്ക് പുറപ്പെടാനും അദ്ദേഹം രണ്ടാമതൊന്നു ചിന്തിച്ചില്ല.
എന്നാല്‍ ആരും പ്രതീക്ഷിക്കാഞ്ഞ സമയത്തായിരുന്നു പ്രതി സന്ദീപ് അക്രമം അഴിച്ചുവിട്ടത്. പ്രതി ആദ്യം കുത്തിവീഴ്ത്തിയത് ബിനുവിനെയാണ്. പിന്നീട് പോലീസിനെയും ആക്രമിച്ച പ്രതി ഒടുവില്‍ ഡോക്ടര്‍ വന്ദനയെ കുത്തിക്കൊല്ലുകയായിരുന്നു.
