![Untitled-design_20231031_234046_0000.png](https://i0.wp.com/keralatimes.com/wp-content/uploads/2023/10/Untitled-design_20231031_234046_0000.png?resize=696%2C382&ssl=1)
കോഴിക്കോട്: ഐക്യരാഷ്ട്രസഭയുടെ ഉപസഘംടനയായ യുനെസ്കോയുടെ 55 പുതിയ ക്രിയേറ്റീവ് നഗരങ്ങളില് ഇടംപിടിച്ച് കോഴിക്കോടും. സാഹിത്യ നഗരമെന്ന പദവിയിലേക്കാണ് കോഴിക്കോടിനെ തിരഞ്ഞെടുത്തിരിക്കുന്നത്. സാഹിത്യ നഗരപദവിയിലേക്ക് കോഴിക്കോടിനെ എത്തിച്ചതില് എല്ലാവര്ക്കും നന്ദിയുണ്ടെന്ന് മേയര് ബീന ഫിലിപ്പ് അറിയിച്ചു.
വികസന തന്ത്രങ്ങളുടെ ഭാഗമായി സംസ്കാരവും സര്ഗ്ഗാത്മകതയും ഉപയോഗപ്പെടുത്തുന്നതിലും നഗര ആസൂത്രണത്തില് നൂതനമായ സമ്പ്രദായങ്ങള് പ്രദര്ശിപ്പിക്കുന്നതിലുമുള്ള പ്രതിബദ്ധതയ്ക്കുള്ള അംഗീകാരമായിട്ടാണ് യുനെസ്കോ പദവി നല്കുന്നത്.
പുതുതായി തിരഞ്ഞെടുത്ത 55 നഗരങ്ങളിലാണ് കോഴിക്കോട് ഇടംപിടിച്ചിരിക്കുന്നത്. മധ്യപ്രദേശിലെ ഗ്വാളിയോറും പുതിയ പട്ടികയിലുണ്ട്. സംഗീത നഗരങ്ങളുടെ പട്ടികയിലാണ് ഗ്വാളിയോര് ഇടംനേടിയിരിക്കുന്നത്.