കൊല്ലം പ്രവാസി അസോസിയേഷന്‍റെ ജില്ല സമ്മേളനത്തിന് മുന്നോടിയായുള്ള മുഹറഖ് ഏരിയ സമ്മേളനം കഴിഞ്ഞ ദിവസം കെ.പി.എ ആസ്ഥാനത്തു വച്ചു നടന്നു.
കെ പി എ വൈസ് പ്രസിഡന്റ് കിഷോർ കുമാർ ഉത്ഘാടനം ചെയ്ത യോഗത്തിനു ഏരിയ പ്രസിഡന്റ് ഷഹീൻ മഞ്ഞപ്പാറ അദ്ധ്യക്ഷത വഹിച്ചു .
കഴിഞ്ഞ രണ്ടു വര്‍ഷത്തെ ഏരിയ പ്രവര്‍ത്തന റിപ്പോര്‍ട്ട് ഏരിയ പ്രസിഡന്റ് ഷഹീൻ മഞ്ഞപ്പാറയും സാമ്പത്തിക റിപ്പോര്‍ട്ട് ഏരിയ ട്രഷറര്‍ അജി അനിരുദ്ധനും അവതരിപ്പിച്ചു. അംഗങ്ങള്‍ നിര്‍ദേശിച്ച ഭേദഗതിയോടെ ഇരു റിപ്പോര്‍ട്ടും സമ്മേളനം പാസാക്കി.
തുടര്‍ന്ന് നടന്ന 2024-26 കാലയളവിലേക്കുള്ള പുതിയ ഭരണസമിതിയുടെ തിരഞ്ഞെടുപ്പ് വരണാധികാരി കെ പി എ അസ്സി ട്രെഷറർ ബിനു കുണ്ടറയുടെ നേതൃത്വത്തില്‍ നടന്നു.
പ്രസിഡന്റ് മുനീർ പൈനുവിള , സെക്രട്ടറി ഷഫീക് ഇബ്രാഹിം , ട്രഷറര്‍ അജി അനിരുദ്ധൻ , വൈസ് പ്രസിഡന്റ് അജൂബ് ഭദ്രൻ , ജോ:സെക്രട്ടറി നിധിൻ ജോർജ് . എന്നിവരെയും ഏരിയ കമ്മിറ്റിയില്‍ നിന്നും സെന്‍ട്രല്‍ കമ്മിറ്റിയിലേക്കുള്ള പ്രതിനിധിയായി ഷഹീൻ മഞ്ഞപ്പാറയെയും തിരെഞ്ഞെടുത്തു. നിയുക്ത ട്രഷറർ അജിയുടെ നന്ദിയോടെ സമ്മേളന നടപടികള്‍ അവസാനിച്ചു.
