തിരുവനന്തപുരം: കേരളത്തില് ഇന്ന് 118 പേര്ക്ക് കോവിഡ്19 സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ അറിയിച്ചു. മലപ്പുറം ജില്ലയില് നിന്നുള്ള 18 പേര്ക്കും, കൊല്ലം ജില്ലയില് നിന്നുള്ള 17 പേര്ക്കും, ആലപ്പുഴ ജില്ലയില് നിന്നുള്ള 13 പേര്ക്കും, എറണാകുളം ജില്ലയില് നിന്നുള്ള 11 പേര്ക്കും, പാലക്കാട് ജില്ലയില് നിന്നുള്ള 10 പേര്ക്കും, പത്തനംതിട്ട ജില്ലയില് നിന്നുള്ള 9 പേര്ക്കും, തിരുവനന്തപുരം, കണ്ണൂര് ജില്ലകളില് നിന്നുള്ള 8 പേര്ക്ക് വീതവും, കോട്ടയം ജില്ലയില് നിന്നുള്ള ഏഴ് പേര്ക്കും, കോഴിക്കോട് ജില്ലയില് നിന്നുള്ള ആറ് പേര്ക്കും, വയനാട്, കാസർകോട് ജില്ലകളില് നിന്നുള്ള നാല് പേര്ക്ക് വീതവും, ഇടുക്കി ജില്ലയില് നിന്നുള്ള രണ്ട് പേര്ക്കും, തൃശൂര് ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 67 പേര് വിദേശ രാജ്യങ്ങളില് നിന്നും (കുവൈറ്റ്-35, യു.എ.ഇ-14, സൗദി അറേബ്യ-10, ഒമാന്-3, റഷ്യ-2, ഖത്തര്-1, താജിക്കിസ്ഥാന്-1, കസാക്കിസ്ഥാന്-1) 45 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-16, ഡല്ഹി-9, തമിഴ്നാട്-8, കര്ണാടക-5, ആസാം-2, ഹരിയാന-2, ആന്ധ്രാപ്രദേശ്-2, തെലുങ്കാന-1) വന്നതാണ്.
ആറ് പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തിരുവനന്തപുരം ജില്ലയിലെ മൂന്ന് പേര്ക്കും കണ്ണൂര്, കോട്ടയം, വയനാട് ജില്ലകളിലെ ഒരാള്ക്ക് വീതവുമാണ് സമ്പര്ക്കത്തിലൂടെ രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 96 പേരുടെ പരിശോധനാഫലം നെഗറ്റീവ് ആയി. കണ്ണൂര് ജില്ലയില് നിന്നുള്ള 21 പേരുടെയും (ഒരു കാസർകോട്), മലപ്പുറം ജില്ലയില് നിന്നുള്ള 15 പേരുടെയും (ഒരു പാലക്കാട്), കൊല്ലം, പാലക്കാട് (ഒരു മലപ്പുറം, ഒരു തൃശൂര്) ജില്ലകളില് നിന്നുള്ള 14 പേരുടെ വീതവും, തൃശൂര് ജില്ലയില് നിന്നുള്ള 12 പേരുടെയും, കോട്ടയം ജില്ലയില് നിന്നുള്ള 7 പേരുടെയും (ഒരു തിരുവനന്തപുരം), ആലപ്പുഴ ജില്ലയില് നിന്നുള്ള 4 പേരുടെയും, തിരുവനന്തപുരം, കോഴിക്കോട്, കാസര്ഗോഡ് ജില്ലകളില് നിന്നുള്ള 3 പേരുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 1380 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
1,509 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,32,569 പേരാണ് ഇപ്പോള് നിരീക്ഷണത്തിലുള്ളത്.
കണ്ണൂര് ജില്ലയിലെ ചപ്പാരപ്പടവ്, ഇരിക്കൂര്, കാങ്കോല്-ആലപ്പടമ്പ്, കീഴല്ലൂര്, മാടായി, രാമന്തളി, പടിയൂര് എന്നിവയാണ് പുതിയ ഹോട്ട് സ്പോട്ടുകള്.
അതേസമയം മൂന്ന് പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. കണ്ണൂര് ജില്ലയിലെ കുറ്റ്യാട്ടൂര്, മയ്യില്, പാട്യം എന്നിവയേയാണ് ഹോട്ട്സ്പോട്ടില് നിന്നും ഒഴിവാക്കിയത്. നിലവില് ആകെ 112 ഹോട്ട്സ്പോട്ടുകളാണ് ഉള്ളത്.