ദുബായ്: ദുബായിൽ ഉയരുന്ന ഹൈന്ദവ ക്ഷേത്രം അടുത്തവർഷം ദീപാവലിക്ക് രാജ്യത്തെ വിശ്വസികൾക്ക് തുറന്നുകൊടുക്കുമെന്ന് അധികൃതർ പറഞ്ഞു. അറബി വാസ്ഥുവിദ്ധ്യയിൽ നിർമ്മിച്ച ക്ഷേത്രത്തിന്റെ മാതൃക പുറത്തുവിട്ടു. ഗുരുനാനാക് സിംഗ് ദർബാറിനോട് ചേർന്ന് വരുന്ന ഹിന്ദുക്ഷേത്രം ബർബെ ദുബൈയിലെ സിന്ധി ഗുരു ദർബാറിന്റെ വിപുലീകരണമാണെന്ന് ദുബൈയിലെ കമ്യൂണിറ്റി ഡെവലപ്മെൻറ് അതോറിട്ടി (സി.ഡി.എ) അറിയിച്ചു. 2020 ആഗസ്റ്റ് 29ന് കോവിഡ് പകർച്ചവ്യാധികൾക്കിടയിൽ ലളിതമായ ചടങ്ങിലാണ് ക്ഷേത്രത്തിന്റെ ശിലാസ്ഥാപനം നടത്തിയത്.