ദുബൈ: ദുബൈ ഷോപ്പിങ് ഫെസ്റ്റിവലിെൻറ ഈ സീസണിലെ പരിപാടികൾ പ്രഖ്യാപിച്ചു. ഡിസംബർ 15 മുതൽ ജനുവരി 30 വരെ നടക്കുന്ന പരിപാടിയിൽ സംഗീത നിശ, ഡ്രോൺ ഷോ, സമ്മാനങ്ങൾ, ഓഫറുകൾ, വെടിക്കെട്ട് തുടങ്ങിയവ ഉണ്ടായിരിക്കും. ഡിസംബർ 27 മുതൽ എല്ലാ ദിവസവും ‘ഡെയ്ലി സർെപ്രെസ്’ ഉണ്ടാകും.
ദിവസവും ഡ്രോൺ ഷോയും വെടിക്കെട്ടും നടത്താനും പദ്ധതിയുണ്ട്. പ്രമുഖ സംഗീതജ്ഞർ അണിനിരക്കുന്ന സംഗീത നിശകൾ സംഘടിപ്പിക്കും. ഉദ്ഘാടന ചടങ്ങിൽ ഇമാറാത്തി സൂപ്പർ സ്റ്റാർ ബൽഖീസ് ഫാത്തിയും ഈജിപ്ഷ്യൻ കലാകാരൻ മുഹമ്മദ് ഹമകിയും അവതരിപ്പിക്കുന്ന കലാസന്ധ്യ അരങ്ങേറും. 75 ദിർഹമായിരിക്കും ടിക്കറ്റ് നിരക്ക്. ഡി.എസ്.എഫ് ഡ്രോൺ ഷോയുടെ രണ്ടാം എഡിഷനാണ് മറ്റൊരു ആകർഷണം. ജുമൈറ ബീച്ച്, ഐൻ ദുബൈ എന്നിവക്ക് സമീപം ദിവസവും രാത്രി 7.15 മുതൽ 9.30 വരെ ഡ്രോൺ ഷോ അരങ്ങേറും.
സാംസ്കാരിക പരിപാടികൾ അൽ സീഫ് മാർക്കറ്റ്, േഗ്ലാബൽ വില്ലേജ്, എക്സ്പോ ഡിസ്ട്രിക്ട് തുടങ്ങി ഒമ്പത് സ്ഥലങ്ങളിൽ നടക്കും. 47 ദിവസത്തെ ഫ്ലാഷ് സെയിലും ആസൂത്രം ചെയ്തിട്ടുണ്ട്. സ്പോർട്സ്, ഫാഷൻ, ബ്യൂട്ടി, ലൈഫ് സ്റ്റൈൽ, വീട്ടുപകരണങ്ങൾ തുടങ്ങിയ വാങ്ങിക്കുന്നവർക്കാണ് ‘ഡെയ്ലി സർപ്രൈസ്’ നൽകുന്നത്.
30 ദശലക്ഷം ദിർഹമിെൻറ സമ്മാനങ്ങളാണ് ഉപഭോക്താക്കളെ കാത്തിരിക്കുന്നത്. നിസാൻ കാറുകൾക്ക് പുറമെ കിലോക്കണക്കിന് സ്വർണവും സ്വന്തമാക്കാനുള്ള അവസരവും ഡി.എസ്.എഫ് തുറന്നുതരും.