ന്യൂദല്ഹി:പത്മാവതി സിനിമയുടെ വിവാദത്തിനിടെ ബ്രിട്ടീഷ് ഭരണ കാലത്തെ രാജാക്കന്മാര്ക്കെതിരെ കോണ്ഗ്രസ് എം.പി ശശി തരൂര് നടത്തിയ പരാമര്ശത്തില് പ്രതിഷേധം ശക്തമാകുന്നു. പരാമര്ശത്തെ ചോദ്യം ചെയ്ത് കേന്ദ്രമന്ത്രി സ്മൃതി ഇറാനിയും കോണ്ഗ്രസിലെ തന്നെ നേതാക്കളും രംഗത്തെത്തിയിരിക്കുകയാണ്.
ഇന്ത്യയിലെ ധീരരായ മഹാരാജാക്കന്മാര് ബ്രിട്ടീഷുകാരുടെ കാല് കീഴിലായിരുന്നോ എന്ന് സ്മൃതി ഇറാനി ചോദിച്ചു. ജ്യോതിരാദിത്യ സിന്ധ്യ, ദിഗ് വിജയ് സിങ്, അമരീന്ദര് സിങ് എന്നിവര്ക്ക് ശശി തരൂരിന്റെ പരാമര്ശത്തില് എന്താണ് പറയാനുള്ളതെന്ന് സ്മൃതി ചോദിച്ചു. പരാമര്ശത്തെ എതിര്ത്ത് ജ്യോതിരാദിത്യ സിന്ധ്യയും രംഗത്തെത്തി. തരൂര് ചരിത്രം പഠിക്കണം. എന്റെ പാരമ്പര്യത്തിൽ എനിക്ക് അഭിമാനമാണുള്ളതെന്നും ഗ്വാളിയോര് രാജകുടുംബത്തില്പ്പെട്ട സിന്ധ്യ പറഞ്ഞു.