ഗാസയെ പൂർണ്ണമായി വളഞ്ഞെന്നും സിറ്റിയുടെ തെക്കൻ പ്രദേശം വരെ സൈന്യം എത്തിയെന്നും അവകാശവാദവുമായി ഇസ്രയേൽ പ്രതിരോധ സേന. ഗാസയെ തെക്കന് ഗാസയെന്നും വടക്കന് ഗാസയെന്നും രണ്ടായി വിഭജിച്ചെന്നാണ് ഇസ്രായേൽ പറയുന്നത്. യുദ്ധം തുടങ്ങിയതിന് ശേഷമുള്ള ഏറ്റവും കടുത്ത വ്യോമാക്രമണമാണ് ഇന്നലെ രാത്രി നടന്നത്. ആക്രമണത്തില് ടെലിഫോണ്, ഇന്റര്നെറ്റ് സംവിധാനങ്ങള് വീണ്ടും പൂര്ണമായും വിഛേദിക്കപ്പെട്ടു. ഇത് രണ്ടാം തവണയാണ് പൂര്ണതോതില് സംവിധാനങ്ങള് വിഛേദിക്കപ്പെടുന്നത്.
അതേസമയം, ഗാസയിലെ 48 പ്രദേശങ്ങൾ തകർക്കപ്പെട്ടതായി യുഎൻ ഏജൻസി സ്ഥിരീകരിച്ചു. കഴിഞ്ഞ മാസം ഏഴിന് നടന്ന ഹമാസ് ആക്രമണത്തിന് പിന്നാലെ തുടങ്ങിയ ഇസ്രയേല് നടപടിയില് 9,770 പേര് കൊല്ലപ്പെട്ടെന്നാണ് റിപ്പോര്ട്ട്.
അതിനിടെ പരുക്കേറ്റവരെ സഹായിക്കുന്നത് കടമയെന്ന് വ്യക്തമാക്കിയ ജോർദാൻ രാജാവ്, ഗാസയിലെ ആശുപത്രികൾക്ക് സമീപം മരുന്നുകൾ എത്തിച്ചു. അറിയിച്ചു. വെടി നിർത്തലിനായി അമേരിക്കയുടെ ഭാഗത്ത് നിന്നും ശ്രമം തുടരുകയാണ്. സ്റ്റേറ്റ് സെക്രട്ടറി ആന്റണി ബ്ലിങ്കണ് പിറകെ സിഐഎ ഡയറക്ടർ വില്യം ബേർൺസും ഇസ്രയേലിലെത്തി.