ന്യൂഡൽഹി: ലോകത്തെ ഏറ്റവും ജനകീയമായ മെസെഞ്ചർ ആപ്പ് എന്ന ബഹുമതി വാട്സ് ആപ്പിന് സ്വന്തം. ലോകത്തെ 55 ശതമാനത്തേളം ആളുകൾ വാട്സ് ആപ്പ് ഉപയോഗിക്കുന്നുണ്ട്. മാത്രമല്ല വാട്സ് ആപ്പ് ഉപയോഗത്തിൽ ഇന്ത്യ വളരെ മുന്നിലെന്നാണ് കണക്കുകൾ . സ്മാർട്ട് ഫോണുകൾ കൈവശമുളള 94.8 ശതമാനം ആളുകളും വാട്സ് ആപ്പ് ഉപയോഗിക്കുന്നുവെന്നും ദിവസേനെ 37 മിനിട്ട് ഇവർ വാട്സ് ആപ്പിൽ ചിലവഴിക്കുന്നു എന്നുമാണ് റിപ്പോർട്ടുകൾ സൂചിപ്പിക്കുന്നത്. 187 രാജ്യങ്ങളിലായി ഡിജിറ്റൽ മാർക്കറ്റിംഗ് കമ്പനിയായ സിമിലർ വെബ് നടത്തിയ പഠനത്തിലാണ് ഈ കണക്കുകൾ പുറത്ത് വന്നത്. പഠനം നടത്തിയ 109 രാജ്യങ്ങളിലും സന്ദേശമയക്കാൻ വാട്സ് ആപ്പിനെയാണ് കൂടുതലായും ആളുകൾ ആശ്രയിക്കുന്നത്. ഇന്ത്യയെ കൂടാതെ ബ്രസീൽ,മെക്സിക്കോ,റഷ്യ എന്നിവടങ്ങളിലാണ് വാട്സ് ആപ്പിന് ഉപഭോക്താക്കൾ കൂടുതൽ. ഫെയ്സ്ബുക്ക് മെസഞ്ചറാണ് പട്ടികയിൽ രണ്ടാം സ്ഥാനത്ത്. 49 രാജ്യങ്ങളിൽ മെസഞ്ചറിന് മുൻതൂക്കമുണ്ട്.
