ദമാസ്കസ്: സിറിയയിൽ റഷ്യൻ സേനയുമായി തുടർച്ചയായി സംഘർഷമുണ്ടാകുന്ന സാഹചര്യത്തിൽ അമേരിക്ക കൂടുതൽ സേനയെ വിന്യസിച്ചു. വടക്കുകിഴക്കൻ സിറിയയിലേക്ക് നൂറു സൈനികരെയും ആറ് ബ്രാഡ്ലി ഫൈറ്റിംഗ് വാഹനങ്ങളെയുമാണ് നിയോഗിച്ചതെന്ന് അമേരിക്കൻ അധികൃതർ വ്യക്തമാക്കി.സഖ്യസേനയുടെ സുരക്ഷ ഉറപ്പാക്കുകയെന്ന ലക്ഷ്യത്തോടെയാണ് സൈനിക വിന്യാസമെന്ന് യു.എസ് നേവി ക്യാപ്ടൻ ബിൽ അർബൻ പറഞ്ഞു. യു.എസ് നേവി മേധാവി റഷ്യയെ പേരെടുത്ത് കുറ്റപ്പെടുത്താതെയാണ് സൈനിക വിന്യാസം പ്രഖ്യാപിച്ചത്. അതേസമയം, പേര് വെളിപ്പെടുത്താത്ത മറ്റൊരു അമേരിക്കൻ ഉദ്യോഗസ്ഥൻ റഷ്യ സംഘർഷം ഉണ്ടാക്കുകയാണെന്ന് വ്യക്തമാക്കി.