![vineethbig-27223](https://i0.wp.com/keralatimes.com/wp-content/uploads/2023/02/vineethbig-27223.jpg?resize=650%2C345&ssl=1)
ഗാനമേളയ്ക്ക് ശേഷം ആരാധകരുടെ തിരക്ക് നിയന്ത്രിക്കാൻ കഴിയാതെ വന്നതോടെ ഓടി രക്ഷപ്പെടുന്ന വിനീത് ശ്രീനിവാസന്റെ വീഡിയോയാണ് സമൂഹമാധ്യമങ്ങളിൽ വൈറലായിരിക്കുന്നത്. ചേർത്തല വാരനാട് ക്ഷേത്രത്തിലെ കുംഭഭരണി ഉത്സവത്തോടനുബന്ധിച്ച് നടന്ന ഗാനമേളയിൽ വിനീതും സംഘവും അവതരിപ്പിച്ച ഗാനമേള ആസ്വാദിക്കാൻ എത്തിയത് നൂറുകണക്കിന് ആളുകളായിരുന്നു.
ഒടുവിൽ രണ്ടര മണിക്കൂർ നീണ്ടുനിന്ന ഗാനമേളയ്ക്ക് ശേഷം താരം ഓടി വണ്ടിയിൽ കയറുന്ന വീഡിയോയാണ് വൈറൽ. സംഭവത്തിന്റെ സത്യാവസ്ഥ ഇങ്ങനെയാണ്. ഗാനമേളയ്ക്ക് ശേഷം വിനീതിന്റെ കൂടെ സെൽഫി എടുക്കാനും സംസാരിക്കാനുമായി നിരവധി പേരെത്തി.