ഉഷ്ണതരംഗ സാധ്യത കണക്കിലെടുത്തു സംസ്ഥാനത്തെ അങ്കണവാടികള്ക്ക് ഒരാഴ്ച അവധി പ്രഖ്യാപിച്ചു. വനിതാ ശിശു വികസന വകുപ്പിന്റേതാണ് തീരുമാനം. ആരോഗ്യ വകുപ്പ് നേരത്തെ വകുപ്പിനു ജാഗ്രതാ നിര്ദേശം നല്കിയിരുന്നു. അവധി സമയത്ത് കുട്ടികള്ക്കു നല്കേണ്ട സപ്ലിമെന്ററി ന്യുട്രീഷ്യന് വീട്ടിലെത്തിക്കും. അങ്കണവാടികള്ക്ക് അവധി പ്രഖ്യാപിച്ചെങ്കിലും മറ്റു പ്രവര്ത്തനങ്ങള് അതു പോലെ നടക്കുമെന്നും ശിശു വികസന വകുപ്പ് അറിയിച്ചു.