സ്നേഹം, അതൊരു നാമമാണ്….
നാമത്തിനും മേലേയത് ക്രിയയാകണം
അതൊരു മഴയാവണം
ഒഴുകുന്നൊരു പുഴയാവണം
തഴുകിയൊഴുകുന്ന കാറ്റാവണം
സ്നേഹം, വറുതിയ്ക്കൊരറുതിയാണത്,
വരണ്ട നാവിനിറ്റ് ദാഹജലമാണത്
മുറിവിന് മരുന്നും
കയ്പേറിയ മനസിലൊരു തേന്തുളളിയും
ചായാനൊരു ചുമലാണത്
പിടിച്ചുയര്ത്താനിരു കരണങ്ങാണ്
സ്നേഹം, കണ്ണിലൂറും ഈര്പ്പമാണത്
ചുണ്ടിലുണരും ചെറുചിരിയാണ്
ദേഹിയ്ക്കത് അഗ്നിയാണെങ്കില്
ദേഹത്തിനു തണുപ്പാണ്.
ഊഷരതയിലെ മരുപ്പച്ചയാണ്,
കടലാണ്, ഊര്ജ്ജമേകും സൂര്യനുമാണ്
സ്നേഹം, എല്ലാറ്റിനുമൊടുവില്….
കുത്തേറ്റ ചങ്കില് നിന്നൊഴുകുന്ന –
ചുടുരക്തമാണ്….
ഞാനും സ്നേഹമാകണം
അപ്പോഴെനിയ്ക്ക് നിന്നെ സ്നേഹിക്കാം
നിങ്ങളെ സ്നേഹിക്കാം
ഈ പ്രപഞ്ചത്തെ മുഴുവന് സ്നേഹിക്കാം.