ഫിലാഡല്ഫിയ: അക്ഷരനഗരിയുടെ അഭിമാനമായി അമേരിക്കയില് ചാരിറ്റി പ്രവര്ത്തനങ്ങള്ക്ക് നേതൃത്വം നല്കി പ്രവര്ത്തിച്ചുവരുന്ന കോട്ടയം അസോസിയേഷന്റെ 2016- 18 വര്ഷത്തേക്കുള്ള നേതൃനിരയെ ഐക്യകണ്ഠ്യേന തെരഞ്ഞെടുക്കുകയുണ്ടായി.
സാഹോദരീയ നഗരത്തിന്റെ തിലകക്കുറിയായി മലയാളി സമൂഹത്തിലെ സാമൂഹിക-സാംസ്കാരിക-രാഷ്ട്രീയ മേഖലകളിലെ സ്പന്ദനങ്ങള്ക്കൊപ്പം കഴിഞ്ഞ ഒരു ദശാബ്ദത്തിലധികമായി നിലകൊള്ളുന്ന കോട്ടയം അസോസിയേഷന് സമൂഹത്തിലെ നിര്ധനരായ കുടുംബങ്ങള്ക്ക് ഭവനങ്ങള് നല്കുകയും, ആതുരസേവന രംഗത്ത് പഠിക്കുന്ന നിരവധി വിദ്യാര്ത്ഥികളുടെ വിദ്യാഭ്യാസത്തിനായി സഹായഹസ്തങ്ങള് നല്കിവരികയും കൂടാതെ ഇതര ചാരിറ്റി പ്രവര്ത്തനങ്ങള്ക്കും, മറ്റു നിരവധി സമൂഹിക പ്രവര്ത്തനങ്ങള്ക്കും കേരളത്തിലും അമേരിക്കയിലുമായി നേതൃത്വം നല്കുകയും ചെയ്തുവരുന്നു.
ബെന്നി കൊട്ടാരത്തില് (പ്രസിഡന്റ്), സി.എസ്.ഐ ക്രൈസ്റ്റ് ചര്ച്ച് ഇന് പെന്സില്വേനിയ മുന് സെക്രട്ടറിയും മറ്റു നിരവധി കലാ-സാംസ്കാരിക പ്രവര്ത്തനങ്ങള്ക്ക് നേതൃത്വം കൊടുക്കുകയും ചെയ്തിട്ടുണ്ട്. ജോസഫ് മാണി (വൈസ് പ്രസിഡന്റ്) സെന്റ് ജോണ്സ് ന്യൂമാന് ക്നാനായ കാത്തലിക് ചര്ച്ച് മുന് ട്രസ്റ്റി, ഫിലാഡല്ഫിയ കാത്തലിക് അസോസിയേഷന് മുന് പ്രസിഡന്റ് തുടങ്ങിയ നിലകളില് പ്രവര്ത്തിച്ചിട്ടുണ്ട്. സാബു ജേക്കബ് (ജനറല് സെക്രട്ടറി) സെന്റ് പീറ്റേഴ്സ് കത്തീഡ്രല് മുന് സെക്രട്ടറി, കോട്ടയം അസോസിയേഷന് മുന് പ്രസിഡന്റ് എന്നീ നിലകളില് പ്രവര്ത്തിച്ചിട്ടുണ്ട്. ഏബ്രഹാം ജോസഫ് (ട്രഷറര്), ജെയിംസ് ആന്ത്രയോസ് (സെക്രട്ടറി), ജീമോന് ജോര്ജ് (പി.ആര്.ഒ/കള്ച്ചറള് പ്രോഗ്രാം), കുര്യന് രാജന് (ചാരിറ്റി), മാത്യു ഐപ്പ്, വര്ഗീസ് വര്ഗീസ് (പിക്നിക്ക്), ജോബി ജോര്ജ്, ജോണ് പി. വര്ക്കി, ജോഷി കുര്യാക്കോസ്, മാത്യു ജോഷ്വാ, കുര്യാക്കോസ് ഏബ്രഹാം, റോണി വര്ഗീസ്, രാജു കുരുവിള, സാബു പാമ്പാടി, സാജന് വര്ഗീസ്, സെറിന് കുരുവിള, സണ്ണി കിഴക്കേമുറി, ജേക്കബ് തോമസ്, വര്ക്കി പൈലോ എന്നിവരെ കമ്മിറ്റിയിലേക്കും, ജോസ് പുല്ലുകാട്ടിനെ ഓഡിറ്ററായും തെരഞ്ഞെടുക്കുകയുണ്ടായി.
കുര്യന് രാജന് (മുന് പ്രസിഡന്റ്) സംഘടനയുടെ നേതൃത്വത്തില് പ്രവര്ത്തിക്കുവാന് അവസരം നല്കിയതിനും, തന്നോടൊപ്പം പ്രവര്ത്തിച്ചവര്ക്ക് നന്ദി പറയുകയും കൂടാതെ പുതുതായി തെരഞ്ഞെടുക്കപ്പെട്ടവര്ക്ക് എല്ലാവിധ സഹായ സഹകരണങ്ങളും വാഗ്ദാനം ചെയ്യുകയും ചെയ്തു.
വ്യാപാര സ്ഥാപനങ്ങളില് നിന്നും വ്യക്തികളില് നിന്നും ലഭിച്ചുവരുന്ന നിര്ലോഭമായ സഹായ സഹകരണങ്ങളാണ് കോട്ടയം അസോസിയേഷന്റെ പ്രവര്ത്തനങ്ങളുടെ മുഖ്യ പ്രചോദനമെന്നും അവരോടുള്ള നന്ദിയും കടപ്പാടും അറിയിക്കുകയും, തുടര്ന്നും സഹായ സഹകരണങ്ങള് പ്രതീക്ഷിക്കുന്നതായും ബെന്നി കൊട്ടാരത്തില് (പ്രസിഡന്റ്) പറയുകയുണ്ടായി. ഈവര്ഷം ഇതര നൂതന കര്മ്മപദ്ധതികള്ക്ക് രൂപം നല്കിയിട്ടുണ്ടെന്നും ജൂണ് 11-ന് ശനിയാഴ്ച പിക്നിക്കും കൂടാതെ നിരവധി ചാരിറ്റി പ്രവര്ത്തനങ്ങള് നടപ്പിലാക്കാനും തീരുമാനിക്കുകയുണ്ടായി.
സംഘടനയുടെ കാര്യക്ഷമമായ പ്രവര്ത്തനങ്ങള്ക്കായി എല്ലാവരുടേയും സഹായ സഹകരണങ്ങള് പ്രതീക്ഷിക്കുന്നതായും പ്രത്യേകിച്ച് കോട്ടയം നിവാസികളുടേയും അഭ്യുദയകാംക്ഷികളുടേയും സഹായം സാദരം ക്ഷണിച്ചുകൊള്ളുന്നതായും അറിയിച്ചു. കൂടുതല് വിവരങ്ങള്ക്ക് സന്ദര്ശിക്കുക: www.kottayamassociation.org