ജനാധിപത്യവും സ്വാതന്ത്ര്യവും നീതിയും എല്ലാവര്‍ക്കും ലഭ്യമാകണമെന്ന് ആഗ്രഹിക്കുന്ന സംഘടന എന്ന നിലയില്‍ ഇന്ത്യയും അമേരിക്കയും തമ്മിലുള്ള ശക്തമായ ഉഭയകക്ഷി ബന്ധത്തെ പിന്തുണയ്ക്കുകയും അത്തരം പങ്കാളിത്ത ബന്ധം വളര്‍ത്തുന്ന എല്ലാ ശ്രമങ്ങളെയും പ്രശംസിക്കുകയും ചെയ്യുന്നുവെന്ന് ഇന്ത്യന്‍ ഓവര്‍സീസ് കോണ്‍ഗ്രസ്, യുഎസ്എ വാര്‍ത്താക്കുറിപ്പില്‍ അറിയിച്ചു.
അതേസമയം ഇന്ത്യയുടെ തകര്‍ന്നുകൊണ്ടിരിക്കുന്ന സാമ്പത്തിക സ്ഥിതിയില്‍ ഐഒസി യുഎസ്എ ആശങ്ക പ്രകടിപ്പിച്ചു. കോവിഡ് വ്യാപനം അശ്രദ്ധമായി കൈകാര്യം ചെയ്ത രീതി, വര്‍ധിക്കുന്ന തൊഴിലില്ലായ്മ, കര്‍ഷകരെ നിരാശയിലാക്കിയ കാര്‍ഷിക നിയമങ്ങള്‍, സ്വകാര്യ സംരംഭങ്ങള്‍ക്ക് അനുകൂലമായി പൊതുമേഖലാ സ്ഥാപനങ്ങള്‍ പിരിച്ചുവിടുന്ന നടപടി, തുടങ്ങി മോദി സര്‍ക്കാരിന്റെ ജനാധിപത്യവിരുദ്ധ നയങ്ങളില്‍ ഐഒസി യുഎസ്എ ആശങ്ക അപലപിച്ചു. ഇന്ത്യയെ ബാധിക്കുന്ന നിര്‍ണായക വിഷയങ്ങള്‍ കൈകാര്യം ചെയ്തതിലെ സത്യസന്ധതയില്ലായ്മ എടുത്തു പറയേണ്ടതാണെന്ന് ഐഒസി യുഎസ്എ ചൂണ്ടിക്കാട്ടി.
കോവിഡ് പാന്‍ഡമിക്കിനെ, പ്രത്യേകിച്ച് 2021 മാര്‍ച്ചില്‍ രാജ്യത്തെ ബാധിച്ച രണ്ടാമത്തെ തരംഗത്തെ കൈകാര്യം ചെയ്ത രീതിയില്‍ നരേന്ദ്ര മോദിയുടെ നേതൃത്വത്തിലുള്ള എന്‍ഡിഎ ഗവണ്‍മെന്റിനോടുള്ള കടുത്ത നിരാശയും ഐഒസി യുഎസ്എ പ്രകടിപ്പിച്ചു. നിലവിലുള്ള വിഭവങ്ങളും സൗകര്യങ്ങളും പ്രയോജനപ്പെടുത്തുന്നതില്‍ ഫലപ്രദമായ ദുരന്തനിവാരണത്തിന്റെ അഭാവം ഉണ്ടായിരുന്നു. രണ്ടാമത്തെ തരംഗത്തിന്റെ മൊത്തം കെടുകാര്യസ്ഥത രാജ്യത്തുടനീളം ധാരാളം മരണങ്ങള്‍ക്ക് കാരണമായി, ഇപ്പോഴുമത് നിയന്ത്രണ വിധേയമായിട്ടില്ല. രണ്ടാം തരംഗത്തെക്കുറിച്ചുള്ള വസ്തുതാപരമായ കണക്കുകളും വിവരങ്ങളും പുറത്തുവിടാത്തതിനും ഈ നിര്‍ണായക വിഷയത്തില്‍ രാജ്യത്തെ തെറ്റിദ്ധരിപ്പിക്കുന്നതിനും പ്രധാനമന്ത്രിയെ ഐഒസി യുഎസ്എ കുറ്റപ്പെടുത്തി.
മുന്‍വിധിയുടെയും വിദ്വേഷത്തിന്റെയും വര്‍ഗീയ വിഷം ചീറ്റുന്ന പ്രമുഖ ബി.ജെ.പി നേതാക്കളുടെ വിമര്‍ശനാത്മക പ്രസ്താവനകളിലൂടെ ന്യൂനപക്ഷങ്ങള്‍ക്കെതിരായ വ്യാപകമായ ആള്‍ക്കൂട്ട ആക്രമണങ്ങള്‍ക്ക് മോദി സര്‍ക്കാര്‍ ഉത്തരവാദിയാണെന്ന് IOC.USA വിശ്വസിക്കുന്നു. ഡല്‍ഹി കലാപം ഈ ഭരണകൂടം പിന്തുടരുന്ന വിദ്വേഷപ്രേരിത നയങ്ങളുടെ ഉപോല്‍പ്പന്നമല്ലാതെ മറ്റൊന്നുമല്ല. മാധ്യമങ്ങളെ കുഴപ്പത്തിലാക്കുകയും ജുഡീഷ്യറിയെ സമ്മര്‍ദ്ദത്തിലാക്കുകയും ചെയ്യുന്നു. വ്യക്തിപരമായ വിയോജിപ്പുകള്‍ ഇല്ലാതാക്കാന്‍ യുഎപിഎ നിയമം ദുരുപയോഗം ചെയ്യുന്നു. സര്‍ക്കാര്‍ നയങ്ങളെ വിമര്‍ശിക്കുന്ന അഭിപ്രായങ്ങള്‍ പ്രകടിപ്പിച്ചതിന് ജനങ്ങളെ ദേശവിരുദ്ധര്‍ എന്ന് മുദ്രകുത്തുന്നു.
നിയമവിരുദ്ധവും രഹസ്യമായി പാസാക്കിയതുമായ കേന്ദ്രസര്‍ക്കാരിന്റെ കാര്‍ഷിക നിയമങ്ങള്‍ക്കെതിരെ പ്രതിഷേധിക്കുന്ന ന്യായമായ അവകാശങ്ങള്‍ നിഷേധിക്കപ്പെട്ട ഇന്ത്യയിലെ കര്‍ഷകര്‍ക്കൊപ്പം ഐക്യദാര്‍ഡ്യത്തോടെ IOCUSA നിലകൊള്ളുന്നു. ചൈന, പാകിസ്ഥാന്‍, ഇപ്പോള്‍ അഫ്ഗാനിസ്ഥാന്‍ എന്നിവിടങ്ങളില്‍ നിന്നുള്ള ഭീഷണി വര്‍ദ്ധിച്ചതിനാല്‍, ഇന്ത്യയുടെ സുരക്ഷയെക്കുറിച്ച് അമേരിക്കയുടെ ഐഒസി അതിന്റെ ആഴത്തിലുള്ള ആശങ്ക പ്രകടിപ്പിക്കുന്നു. ഇന്ത്യയുടെ സുരക്ഷയ്ക്ക് ഭീഷണിയാകുന്നവയും അവയെ നേരിടാന്‍ സര്‍ക്കാര്‍ കൈക്കൊണ്ട നടപടികളിലുമുള്ള എല്ലാ വസ്തുതകളും നരേന്ദ്ര മോദി സര്‍ക്കാര്‍ കൃത്യമായി പുറത്തുവിടണമെന്ന് ഐഒസി, യുഎസ്എ ആഗ്രഹിക്കുന്നു.
നിയമവിരുദ്ധവും അധാര്‍മികവുമായ മാര്‍ഗ്ഗങ്ങളിലൂടെ നരേന്ദ്ര മോദിയുടെ നേതൃത്വത്തിലുള്ള സര്‍ക്കാര്‍ ഇന്ത്യയിലെ തിരഞ്ഞെടുക്കപ്പെട്ട സംസ്ഥാന സര്‍ക്കാരുകളെ താഴെയിറക്കുന്നതിനായി നടത്തുന്ന ജനാധിപത്യവിരുദ്ധവും അഴിമതിപരവുമായ മാര്‍ഗ്ഗങ്ങളെ IOCUSA ശക്തമായി അപലപിക്കുന്നു, അതുവഴി ഭരണഘടനയെ നിന്ദിക്കുന്ന ജനവിധി നിരസിക്കുന്നു. രാജ്യത്തെ സംബന്ധിച്ച വിവിധ വിഷയങ്ങളില്‍ ജനങ്ങളോട് പ്രതികരിക്കണമെന്നും ന്യൂയോര്‍ക്കിലും പിന്നീട് ഇന്ത്യയിലും മാധ്യമങ്ങളെ അഭിസംബോധന ചെയ്ത് സംസാരിക്കണമെന്നും ഐഒസി യുഎസ്എ പ്രധാനമന്ത്രിയോട് അഭ്യര്‍ത്ഥിക്കുന്നു.
വൈറസിന്റെ രണ്ടാം തരംഗത്തിന്റെ കാര്യത്തില്‍ കോണ്‍ഗ്രസ് എംപി രാഹുല്‍ ഗാന്ധിയുടെ ആവര്‍ത്തിച്ചുള്ള ജാഗ്രതയ്ക്കും അഭ്യര്‍ത്ഥനകള്‍ക്കും IOCUSA അഭിനന്ദനവും പൂര്‍ണ്ണ പിന്തുണയും പ്രകടിപ്പിക്കുന്നു. രാഹുല്‍ ഗാന്ധിയുടെ ഈ നിര്‍ദ്ദേശങ്ങള്‍ അവഗണിക്കുകയും പരിഹസിച്ച് തള്ളുകയും ചെയ്തത് ഇന്ത്യയില്‍ ഒരു ദുരന്തത്തിന് കാരണമായി. ഏറ്റവും അവസാനമായി, IOCUSA ഈ പ്രയാസകരമായ സമയങ്ങളില്‍ ഇന്ത്യയിലെ ജനങ്ങളോടുള്ള വ്യക്തമായ ഐക്യദാര്‍ഢ്യവും പ്രകടിപ്പിക്കുന്നു.
