കാലിഫോര്‍ണിയ: സിലിക്കണ്‍വാലി ഇന്ത്യന്‍ ലയണ്‍സ്‌ ക്ലബിന്റെ ഔദ്യോഗിക ഉദ്‌ഘാടനവും, ചാര്‍ട്ടര്‍ നൈറ്റ്‌ ഡിന്നറും ഒക്‌ടോബര്‍ 10-ന്‌ വൈകിട്ട്‌ 6 മണിക്ക്‌ ഹേവാര്‍ഡ്‌ ഗോള്‍ഡന്‍ പീക്കോക്‌ ബാങ്ക്വറ്റ്‌ ഹാളില്‍ വെച്ചു നടത്തും. ചടങ്ങില്‍ ലയണ്‍സ്‌ ഇന്റര്‍നാഷണല്‍ ഓഫീസേഴ്‌സ്‌, രാഷ്‌ട്രീയ , സാമുദായിക തലത്തിലെ ഉന്നത വ്യക്തികള്‍ എന്നിവര്‍ പങ്കെടുക്കും. ചാര്‍ട്ടര്‍ നൈറ്റിന്റെ ആദ്യ ടിക്കറ്റ്‌ സ്‌പോണ്‍സറായ റിയല്‍എസ്റ്റേറ്റ്‌ ബിസിനസ്‌ രംഗത്തെ പ്രമുഖന്‍ ജേക്കബ്‌ വര്‍ഗീസിനു നല്‍കി ലയണ്‍സ്‌ ക്ലബ്‌ പ്രസിഡന്റ്‌ ജെയിംസ്‌ വര്‍ഗീസ്‌ ഉദ്‌ഘാടനം ചെയ്‌തു. ചടങ്ങില്‍ ലയണ്‍സ്‌ ഇന്റര്‍നാഷണല്‍ പ്രതിനിധികളും പങ്കെടുത്തു.
