ഓസ്റ്റിനിലെ ഇന്ത്യൻ നേഴ്‌സുമാർക്ക് വേണ്ടി നേഴ്‌സസ് അസോസിയേഷൻ ആരംഭിച്ചു

അസംഘടിതരായിരുന്ന ഓസ്റ്റിനിലെ ഇന്ത്യൻ നേഴ്‌സുമാർ ഒരു കുടക്കീഴിൽ അണിനിരക്കുമ്പോൾ അവരെ നയിക്കുവാനുള്ള നിയോഗവുമായി എത്തുന്ന ഭരണസമിതിക്ക് പ്രസിഡണ്ട് എന്ന നിലക്ക് നേതൃത്വം നൽകുന്നത് ആശാ സുരേഷ് ആണ്. ബെൻസി മാത്യു ( എക്സിക്യൂട്ടീവ് വൈസ് പ്രസിഡണ്ട്), ഷാനി ജിബി പാറക്കൽ (വൈസ് പ്രസിഡണ്ട്), ടിസ മാത്യു (സെക്രട്ടറി), റീന ജോസഫ് (ട്രഷറർ) എന്നിവരാണ് ഭരണ സമിതിയിലെ മറ്റ് അംഗങ്ങൾ. സി. അന്നക്കുട്ടി പോട്ടക്കൽ, ലിസമ്മ വർഗ്ഗീസ്, ബീന മാത്യു, മിനി തോമസ് എന്നിവർ അഡ്‌വൈസറി ബോർഡ് അംഗങ്ങളായും പ്രവർത്തിക്കും.

കോവിഡിന്റെ വ്യാപനവേളയിൽ കർമ്മ നിരതരായിരുന്ന ഓസ്റ്റിനിലെ ഇന്ത്യൻ നേഴ്‌സുമാർക്ക് പരസ്പരം അടുത്തറിയുവാനും നേഴ്‌സിങ് പ്രൊഫഷനിലെ സാധ്യതകൾ പരമാവധി പ്രയോജനപ്പെടുത്തികൊണ്ട് പര്സപര സഹകരണത്തോടെ മുന്നേറുവാനുമുള്ള അവസരമാണ് ഈ സംഘടനയിലൂടെ  ലക്ഷ്യമിടുന്നത് എന്ന് പ്രസിഡണ്ട് ആയി ചുമതലയേൽക്കുന്ന ആശാ സുരേഷ് അറിയിച്ചു.