അനിൽ മറ്റത്തിക്കുന്നേൽ
ഓസ്റ്റിൻ, ടെക്സാസ്: ടെക്സാസിലെ ഓസ്റ്റിനിലും പരിസരപ്രദേശങ്ങളിലും താമസിച്ചു ജോലിചെയ്യുന്ന ഇന്ത്യൻ നേഴ്സുമാർക്ക് വേണ്ടി അസോസിയേഷൻ രൂപീകരിച്ചു. നാഷണൽ അസോസിയേഷൻ ഓഫ് ഇന്ത്യൻ നേഴ്സസ് ഓഫ് അമേരിക്ക (നൈന) യുടെ ചാപ്റ്റർ ആയി പ്രവർത്തിക്കത്തക്ക വിധത്തിൽ ഇന്ത്യൻ നേഴ്സസ് അസോസിയേഷൻ ഓഫ് ഓസ്റ്റിൻ (INAA ) എന്ന പേരിലാണ് സംഘടന ആരംഭിച്ചിരിക്കുന്നത്. സംഘടനയുടെ പ്രഥമ മീറ്റിങ്ങും ഔദ്യോഗികമായ ഉദ്ഘാടനവും ഫെബ്രുവരി 28 വൈകുന്നേരം 5 മണിക്ക് സൂമിലൂടെ നടത്തപ്പെടും.
അസംഘടിതരായിരുന്ന ഓസ്റ്റിനിലെ ഇന്ത്യൻ നേഴ്സുമാർ ഒരു കുടക്കീഴിൽ അണിനിരക്കുമ്പോൾ അവരെ നയിക്കുവാനുള്ള നിയോഗവുമായി എത്തുന്ന ഭരണസമിതിക്ക് പ്രസിഡണ്ട് എന്ന നിലക്ക് നേതൃത്വം നൽകുന്നത് ആശാ സുരേഷ് ആണ്. ബെൻസി മാത്യു ( എക്സിക്യൂട്ടീവ് വൈസ് പ്രസിഡണ്ട്), ഷാനി ജിബി പാറക്കൽ (വൈസ് പ്രസിഡണ്ട്), ടിസ മാത്യു (സെക്രട്ടറി), റീന ജോസഫ് (ട്രഷറർ) എന്നിവരാണ് ഭരണ സമിതിയിലെ മറ്റ് അംഗങ്ങൾ. സി. അന്നക്കുട്ടി പോട്ടക്കൽ, ലിസമ്മ വർഗ്ഗീസ്, ബീന മാത്യു, മിനി തോമസ് എന്നിവർ അഡ്വൈസറി ബോർഡ് അംഗങ്ങളായും പ്രവർത്തിക്കും.
കോവിഡിന്റെ വ്യാപനവേളയിൽ കർമ്മ നിരതരായിരുന്ന ഓസ്റ്റിനിലെ ഇന്ത്യൻ നേഴ്സുമാർക്ക് പരസ്പരം അടുത്തറിയുവാനും നേഴ്സിങ് പ്രൊഫഷനിലെ സാധ്യതകൾ പരമാവധി പ്രയോജനപ്പെടുത്തികൊണ്ട് പര്സപര സഹകരണത്തോടെ മുന്നേറുവാനുമുള്ള അവസരമാണ് ഈ സംഘടനയിലൂടെ ലക്ഷ്യമിടുന്നത് എന്ന് പ്രസിഡണ്ട് ആയി ചുമതലയേൽക്കുന്ന ആശാ സുരേഷ് അറിയിച്ചു.
Zoom Meeting Id: 840 9706 7438
Passcode: 198234
Date & Time : February 28th Sunday 5pm (Central Time).